മനാമ: ബഹ്‌റൈനിലെ മനാമയില്‍, വിശുദ്ധ റമദാന്റെ മുന്നൊരുക്കത്തിന്റെ ഭാഗമായി, സമസ്ത ബഹ്‌റൈന്‍ കേന്ദ്ര കമ്മിറ്റിയുടെ ആഭിമുഖ്യത്തില്‍ ഇസ്തിഖബാല്‍ റമളാന്‍-റമളാന്‍ മുന്നൊരുക്കം ഇന്ന് രാത്രി 8.30ന് മനാമ സമസ്ത ഓഡിറ്റോറിയത്തില്‍ നടക്കുന്നു.

പരിപാടിയില്‍ പ്രഭാഷണവും ദുആ മജ്‌ലിസും ഉള്‍പ്പെടുത്തിയിട്ടുണ്ട്. മുഖ്യപ്രഭാഷകനായി മുഹമ്മദ് സഹല്‍ ഫൈസി ഓടക്കാലി (എറണാകുളം) പ്രഭാഷണം നടത്തും.

സമസ്ത ബഹ്‌റൈന്‍ കേന്ദ്ര, ഏരിയ, റെയ്ഞ്ച് ജമിയത്തുല് മുഅല്ലിമീന്‍ അടക്കമുള്ള നേതാക്കളും എസ്.കെ.എസ്.എസ്.എഫ് നേതാക്കളും പരിപാടിയില്‍ പങ്കെടുത്ത് പരിപാടിക്ക് ഊര്‍ജ്ജം പകരും.

മനാമ ഗോള്‍ഡ് സിറ്റിയിലെ ഓഡിറ്റോറിയത്തില്‍ നടക്കുന്ന ചടങ്ങില്‍ സഹോദരിമാര്‍ക്ക് പ്രത്യേക സൗകര്യം ഒരുക്കിയിട്ടുണ്ട്.

പരിപാടിയുടെ മുഖ്യലക്ഷ്യം റമദാന്റെ ആത്മീയതയെ മുന്നില്‍ വെച്ച്, സമൂഹത്തില്‍ ഐക്യം, സഹകരണം, ആരാധന എന്നിവയെ പ്രോത്സാഹിപ്പിക്കുകയാണ്.