ഭുവനേശ്വര്‍: ഒഡിഷയിലെ ധെങ്കനാല്‍ ജില്ലയില്‍ ബിപിന്‍ ബിഹാരി നായിക് എന്ന ക്രിസ്ത്യന്‍ വൈദികനെ ആക്രമിച്ച കേസില്‍ ഒമ്പത് പേര്‍ കസ്റ്റഡിയില്‍. ഈ മാസം ആദ്യവാരം നടന്ന അക്രമത്തില്‍ ബുധനാഴ്ചയാണ് പൊലിസ് നടപടിയെടുത്തത്. ബിപിന്‍ നായിക്കിനെ തടഞ്ഞുവച്ച് പരസ്യമായി അവഹേളിക്കുകയും മര്‍ദ്ദിക്കുകയും ചാണകം വായില്‍ തിരുകുകയും ജയ് ശ്രീറാം വിളിക്കാന്‍ ആവശ്യപ്പെടുകയും ചെയ്ത സംഭവത്തില്‍ വ്യാപക പ്രതിഷേധം ഉയര്‍ന്നവരുന്നതിനിടെയാണ് പൊലിസിന്റെ നടപടി.

ഈ മാസം നാലിന് പര്‍ജാംഗ് ഗ്രാമത്തിലെ വീട്ടില്‍ പതിവ് ഞായറാഴ്ച പ്രാര്‍ത്ഥയ്ക്കിടെയെയാണ് സംഭവം. വൈദികനും ഭാര്യ വന്ദനയും പ്രദേശത്തെ ഏഴ് കുടുംബങ്ങളും പ്രാര്‍ത്ഥനാ യോഗത്തില്‍ സംബന്ധിക്കുന്നതിനിടെ നാല്‍പ്പതോളം വരുന്ന സംഘം വീട് വളയുകയും അകത്തേക്ക് അതിക്രമിച്ചു കയറി എല്ലാവരെയും മര്‍ദ്ദിക്കുകയുമായിരുന്നു. വന്ദനയും കുട്ടികളും ഓടി രക്ഷപ്പെട്ട് പൊലിസ് സ്റ്റേഷനില്‍ അഭയം തേടിയെങ്കിലും വൈദകനെ സംഘം പിടിച്ചുവച്ച് മര്‍ദിക്കുകയും ചെരിപ്പുമാല അണിയിക്കുകയും ചെയ്ത ശേഷം ഗ്രാമത്തിലൂടെ വലിച്ചിഴക്കുകയായിരുന്നു.

സമീപത്തെ ക്ഷേത്രത്തിന് മുന്നില്‍ കെട്ടിയിട്ട് ചാണകം തീറ്റിക്കുകയും 'ജയ് ശ്രീറാം' എന്ന് വിളിക്കാന്‍ നിര്‍ബന്ധിക്കുകയും ചെയ്തു. സംഭവത്തിന്റെ ദൃശ്യങ്ങള്‍ സമൂഹമാധ്യമങ്ങളില്‍ പ്രചരിക്കുന്നുണ്ട്. വൈദകിനെ ചെരുപ്പുമാല അണിയിച്ച് നടത്തിക്കുന്നതുള്‍പ്പെടെയുള്ള ദൃശ്യങ്ങളാണ് പ്രചരിക്കുന്നത്.

ലോക്കല്‍ പൊലിസ് പരാതിയിന്മേല്‍ നടപടിയെടുക്കാന്‍ വൈകിയതിനെ തുടര്‍ന്ന് ഇരയുടെ ഭാര്യ ജില്ലാ പൊലിസ് മേധാവിക്ക് നേരിട്ട് പരാതി നല്‍കിയതോടെയാണ് അന്വേഷണം ഊര്‍ജിതമായത്. അന്വേഷണം പുരോഗമിക്കുകയാണെന്ന് എസ്.പി അഭിനവ് സോങ്കര്‍ അറിയിച്ചു. വൈദ്യപരിശോധനയില്‍ പാസ്റ്റര്‍ക്ക് മാരകമായ പരിക്കുകള്‍ ഏറ്റിട്ടില്ലെന്നാണ് പ്രാഥമിക നിഗമനമെന്നും അദ്ദേഹം കൂട്ടിച്ചേര്‍ത്തു.

A Christian pastor in Odisha's Dhenkanal district was allegedly assaulted and humiliated by a group accused of links to right-wing organisations, following claims that he was involved in religious conversions. The incident occurred on January 4 in Parjang village. Pastor Bipin Bihari Naik was conducting a prayer meeting at a private house of a family member, Krishna Naik, along with his wife Bandana Naik and a few others.