2026 ലെ ഏറ്റവും തണുപ്പ് കൂടിയ ദിവസങ്ങളിലൊന്നായിരുന്നു ഇന്നെന്ന് കാലാവസ്ഥ നിരീക്ഷകന്‍ രാജീവ് എരിക്കുളം. ഒരിടവേളയ്ക്ക് ശേഷം കേരളത്തില്‍ വീണ്ടും തണുപ്പ് സജീവമായിരിക്കുകയാണ്.  വടക്കന്‍ കേരളത്തിലും തെക്കന്‍ കേരളത്തിലും ഒരുപോലെ താപനില ഗണ്യമായി കുറഞ്ഞു.  ശനിയാഴ്ച്ച വരെ തണുപ്പ് തുടരാനാണ് സാധ്യത.

മൂന്നാറില്‍ അതിശൈത്യം

ഒരിടവേളക്കുശേഷം മൂന്നാര്‍ വീണ്ടും അതിശൈത്യത്തിലേക്ക്. മേഖലയില്‍ വ്യാഴാഴ്ച പുലര്‍ച്ചെ കുറഞ്ഞ താപനില ഒരു ഡിഗ്രി സെല്‍ഷ്യസ് രേഖപ്പെടുത്തി. സൈലന്റ് വാലി, നല്ലതണ്ണി എന്നിവിടങ്ങളില്‍ മൂന്ന് ഡിഗ്രി സെല്‍ഷ്യസ് ആണ് താപനില രേഖപ്പെടുത്തിയത്.

ALSO READ: തുടർച്ചയായ 4 ദിവസങ്ങളിൽ ബാങ്കില്ല; അത്യാവശ്യ ഇടപാടുകൾ ഇന്നു തന്നെ നടത്തുക; മൂന്ന് ദിവസം അവധിയും പിന്നാലെ പണിമുടക്കും

ചെണ്ടുവരയില്‍ ഡിസംബര്‍ 13-ന് സീസണിലെ ഏറ്റവും കുറഞ്ഞ താപനിലയായ മൈനസ് ഒരു ഡിഗ്രി സെല്‍ഷ്യസ് രേഖപ്പെടുത്തിയിരുന്നു. താപനില കുറഞ്ഞതോടെ പ്രദേശങ്ങളിലെല്ലാം വ്യാപകമായി മഞ്ഞുപാളികള്‍ രൂപപ്പെട്ടു. പുല്‍മേടുകളെല്ലാം മഞ്ഞുമൂടിയിരിക്കുകയാണ്. 

ഡിസംബറിലെ അതിശൈത്യത്തിന് ശേഷം ക്രമേണ താപനില വര്‍ധിച്ചുവന്നിരുന്നു. വ്യാഴാഴ്ച്ചയോടെയാണ് വീണ്ടും തണുപ്പ് വന്നത്. വരുംദിവസങ്ങളില്‍ താപനില വീണ്ടും കുറയുമെന്നാണ് സൂചന.

Kerala experienced one of the coldest days of the year today, according to weather observer Rajeev Erikkulam. After a brief lull, cold conditions have returned across the state, with temperatures dropping significantly in both northern and southern Kerala. The cold spell is expected to continue until Saturday, with further dips in temperature likely in the coming days.