ന്യൂഡൽഹി: നിയമസഭ തെരഞ്ഞെടുപ്പിനുള്ള ഒരുക്കങ്ങൾ ഊർജിതമാക്കി കോൺഗ്രസ്. സ്ഥാനാർഥി നിർണ്ണയമടക്കമുള്ള നിർണ്ണായക തീരുമാനങ്ങൾക്കായി സംസ്ഥാന കോൺഗ്രസ് തെരഞ്ഞെടുപ്പ് സമിതി വരും ചൊവ്വാഴ്ച്ച കേരളത്തിൽ യോഗം ചേരും. ഡൽഹിയിൽ ഹൈക്കമാൻഡുമായി നടത്തിയ നിർണ്ണായക ചർച്ചകൾക്ക് പിന്നാലെയാണ് നേതൃത്വം ഈ തീരുമാനത്തിലെത്തിയത്.

ALSO READ: വി.വി. രാജേഷിന് സ്റ്റാറ്റസില്ലേ?': മേയറെ ഒഴിവാക്കിയത് ജനങ്ങളോടുള്ള അപമാനം; ബി.ജെ.പിയുടേത് ഫെഡറൽ മര്യാദകളുടെ ലംഘനമെന്ന് മന്ത്രി വി. ശിവൻകുട്ടി

ലോക്സഭാ എംപിമാർ നിയമസഭയിലേക്ക് മത്സരിക്കേണ്ടതില്ലെന്നാണ് ഹൈക്കമാൻഡ് യോഗത്തിൽ ഉയർന്നുവന്ന പൊതുവായ ധാരണ. എംപിമാർ മത്സരിക്കുന്നത് ദേശീയ തലത്തിൽ തിരിച്ചടിയാകുമെന്നും ഉപതെരഞ്ഞെടുപ്പുകളുടെ ഭാരം ഒഴിവാക്കണമെന്നുമാണ് കേന്ദ്ര നേതൃത്വത്തിന്റെ നിലപാട്. അതേസമയം, ഭൂരിഭാഗം സിറ്റിംഗ് എംഎൽഎമാരും ഇത്തവണയും മത്സരരംഗത്തുണ്ടാകും. മുഖ്യമന്ത്രി സ്ഥാനാർഥിയെ മുൻകൂട്ടി പ്രഖ്യാപിക്കാതെ 'കൂട്ടുത്തരവാദിത്തത്തോടെ' തെരഞ്ഞെടുപ്പിനെ നേരിടാനാണ് പാർട്ടിയുടെ തീരുമാനം.

ഡൽഹിയിൽ നടന്ന ഹൈക്കമാൻഡ് യോഗത്തിൽ നിന്ന് ശശി തരൂർ വിട്ടുനിന്നത് പാർട്ടിക്കുള്ളിൽ വലിയ ചർച്ചകൾക്ക് വഴിമരുന്നിട്ടിരിക്കുകയാണ്. കൊച്ചിയിലെ 'മഹാപഞ്ചായത്ത്' വേദിയിൽ തനിക്ക് നേരിട്ട അവഗണനയിൽ തരൂർ അങ്ങേയറ്റം അസംതൃപ്തനാണ്. രാഹുൽ ഗാന്ധി വേദിയിലെ പ്രമുഖരുടെ പേരുകൾ വായിച്ചപ്പോൾ തരൂരിന്റെ പേര് ഒഴിവാക്കിയതും, മുൻകൂട്ടി നിശ്ചയിച്ച പ്രസംഗക്രമത്തിൽ മാറ്റം വരുത്തിയതുമാണ് തരൂർ ക്യാമ്പിനെ ചൊടിപ്പിച്ചത്. കയ്യിൽ ലഭിച്ച ലിസ്റ്റിലെ പേരുകളാണ് രാഹുൽ വായിച്ചതെന്നും തരൂരിനെ അവഗണിക്കാൻ മനഃപൂർവം ശ്രമിച്ചിട്ടില്ലെന്നുമാണ് എഐസിസി നൽകുന്ന വിശദീകരണം.

എങ്കിലും കെ.സി. വേണുഗോപാലടക്കമുള്ള നേതാക്കളുമായി സംസ്ഥാന നേതാക്കൾ കൂടിക്കാഴ്ച നടത്തിയിട്ടും തരൂർ ചർച്ചകളിൽ നിന്ന് വിട്ടുനിന്നത് വരാനിരിക്കുന്ന ദിവസങ്ങളിൽ വലിയ രാഷ്ട്രീയ ചർച്ചകൾക്ക് കാരണമാകും. സംസ്ഥാന നേതാക്കളായ കെ. സുധാകരൻ, വി.ഡി. സതീശൻ, രമേശ് ചെന്നിത്തല എന്നിവർ രാഹുൽ ഗാന്ധിയുമായും മല്ലികാർജുൻ ഖർഗെയുമായും കൂടിക്കാഴ്ച നടത്തി കാര്യങ്ങൾ വിശദീകരിച്ചു.

upcoming 2026 Kerala Assembly Elections. There is a general consensus that sitting Members of Parliament (MPs) should not contest the Assembly elections. The party aims to avoid the burden of multiple by-elections and maintain its strength in the Lok Sabha.