താമരശ്ശേരി: പെരുന്നാളും ഓണവും ഒന്നിച്ചെത്തിയ സാഹചര്യത്തില്‍ ആഘോഷ പരിപരിപാടികള്‍ പരസ്പരം തിരിച്ചറിയുന്ന മാനവിക സൗഹൃദത്തിന്റെ കണ്ണാടിയാവണമെന്ന് മുസ്‌ലിം ലീഗ് സംസ്ഥാന സെക്രട്ട്രറി എം.സി മായിന്‍ ഹാജി പറഞ്ഞു. കെ.എം.സി.സിയുടെ ജി.സി.സി കൂടത്തായി കമ്മിറ്റി നടത്തിയ സൗഹൃദ സംഗമം ഉദ്ഘാടനം ചെയ്യുകയായിരുന്നു അദ്ദേഹം. കെ.എം.സി.സി നല്‍കുന്ന പെരുന്നാള്‍ കിറ്റ് വിതരണം മായിന്‍ഹാജി നിര്‍വഹിച്ചു.
വാര്‍ഡ് മുസ്‌ലിം ലീഗ് പ്രസിഡന്റ് വി.കെ  ഇമ്പിച്ചി മോയി അധ്യക്ഷനായി. നാസര്‍ ഫൈസി കൂടത്തായി മുഖ്യ പ്രഭാഷണം നടത്തി. സി.കെ  ആലിക്കുട്ടി, പി .ടി  ഷാജി, റഫീഖ് കാക്കോഞ്ഞി, കെ.കെ മുജീബ്, ഒ.പി ആസിഫ്, എ.കെ റാമിസ്, വി.കെ മോയി, പി.ടി റഷീദ്, പി.എ  ഷരീഫ്, എ.കെ അഷ്‌റഫ്, അഷ്‌റഫ് കൂടത്തായി, വി.കെ മുജീബ് പ്രസംഗിച്ചു.