കോഴിക്കോട്: ഇന്തോ-തിബറ്റന്‍ ഫ്രണ്ട്ഷിപ്പ് സൊസൈറ്റി കേരള ചാപ്റ്റര്‍ സംഘടിപ്പിക്കുന്ന തിബറ്റന്‍ ഫെസ്റ്റിവലിന് ഇന്ന് തുടക്കമാകും. തിബറ്റ് ആസ്ഥാനമായുള്ള വിവിധ സംഘടനകളുമായി സഹകരിച്ച് 'താങ്ക് യു ഇന്ത്യ' എന്ന പേരിലാണ് പരിപാടി സംഘടിപ്പിക്കുന്നതെന്ന് പ്രസിഡന്റ് ഡോ. അനൂപ് ആനന്ദയോഗി വാര്‍ത്താസമ്മേളനത്തില്‍ അറിയിച്ചു. കോഴിക്കോട് മലബാര്‍ പാലസില്‍ നടക്കുന്ന ചടങ്ങ് ഡോ. എം.കെ മുനീര്‍ എം.എല്‍.എ ഉദ്ഘാടനം ചെയ്യും. പരിപാടിയോടനുബന്ധിച്ച് സൗജന്യ തിബറ്റന്‍ ആയുര്‍വേദ മെഡിക്കല്‍ ക്യാംപ്, ഫോട്ടോ എക്‌സിബിഷന്‍ എന്നിവ സംഘടിപ്പിച്ചിട്ടുണ്ട്. വാര്‍ത്താസമ്മേളനത്തില്‍ ജെ.പി അര്‍സ്, ഡോ. ഇഖ്ബാല്‍ ഖാന്‍ സംബന്ധിച്ചു.