പട്ടിക്കാട്: സ്‌കൂളിലെ വിദ്യാര്‍ഥികള്‍ക്ക് ഓണക്കിറ്റും ധനസഹായവും നല്‍കി അധ്യാപകന്റെ മാതൃക. മുള്ള്യാകുര്‍ശ്ശി എ.എം.എല്‍.പി സ്‌കൂള്‍ അധ്യാപകനും മേലാറ്റൂര്‍ സ്വദേശിയുമായ മുഹമ്മദ് അബ്ദുറഹ്മാനാണ് നൂറുകുട്ടികള്‍ക്ക് ഓണക്കിറ്റും ധനസഹായവും നല്‍കിയത്.
എല്ലാവര്‍ഷവും നടത്തിവരുന്ന മാതൃകാപ്രവര്‍ത്തനം ഇത്തവണ ഓണാഘോഷങ്ങളുടെ ഭാഗമായിട്ടാണ് സംഘടിപ്പിച്ചത്.
      കീഴാറ്റൂര്‍ പഞ്ചായത്ത് അംഗം മുനീറ വിതരണം ഉദ്ഘാടനം ചെയ്തു. പി.ടി.എ പ്രസിഡന്റ് എ. രാജന്‍ അധ്യക്ഷനായി. പ്രധാനാധ്യാപിക എന്‍. ഗീതാമ്മ, സ്‌കൂള്‍ മാനേജര്‍ അബ്ദുല്‍ അസീസ്, പി.ടി.എ ഭാരവാഹികളായ പി. ഹസൈനാര്‍, കെ.പി അബ്ദുസ്സമദ്, അബ്ദുല്‍ നാസര്‍, സി.ടി സലീം സംസാരിച്ചു. ആഘോഷങ്ങളുടെ ഭാഗമായി വിദ്യാര്‍ഥികളുടെ കലാകായിക മത്സരങ്ങളും വിഭവസമൃദ്ധമായ ഓണസദ്യയും ഉണ്ടായി.