വെട്ടത്തൂര്‍: വിവിധ  രോഗംമൂലം പ്രയാസം അനുഭവിക്കുന്ന രോഗികള്‍ക്കും നിര്‍ധനരായ സഹപാഠികള്‍ക്കും കാരുണ്യത്തിന്റെ  കൈത്താങ്ങായി വിദ്യാര്‍ഥികളുടെ ഓണാഘോഷം.
വെട്ടത്തൂര്‍ ജി.എച്ച്.എസ്.എസിലെ ഹയര്‍ സെക്കന്ററി  വിഭാഗം വിദ്യാര്‍ഥികള്‍  വെട്ടത്തൂര്‍ പെയ്ന്‍  ആന്‍ഡ് പാലിയേറ്റീവിലെ മുപ്പതോളം രോഗികളെയും അവരുടെ ആശ്രിതരെയും സ്‌കൂളിലെത്തിച്ച് വിവിധ പരിപാടികള്‍ സംഘടിപ്പിച്ചു. ഇതോടനുബന്ധിച്ച് പൂക്കള മല്‍സരം, വടംവലി, മെഹന്തിഫെസ്റ്റ് എന്നിവ നടത്തി.
തുടര്‍ന്ന് മുഴുവന്‍  രോഗികള്‍ക്കും അവരുടെ ആശ്രിതര്‍ക്കും ഓണക്കിറ്റും വിതരണം ചെയ്തു. നിര്‍ധനരായ  സഹപാഠികള്‍ക്ക് ധനസഹായവും കൈമാറി. പ്രിന്‍സിപ്പല്‍ കെ.അബ്ദുല്‍ കരീം, പി.ടി.എ  പ്രസിഡന്റ് പി.എം സൈതാലിക്കുട്ടി, കെ.ടി മുസ്തഫ കമാല്‍, അധ്യാപകരായ വി.അബ്ദുല്‍ ലത്തീഫ്,  സിയാവുദ്ദീന്‍, കെ.രാധാകൃഷ്ണന്‍, സക്കീന, ലൈല, പി.ബഷീര്‍, വിദ്യാര്‍ഥി പ്രതിനിധി പി.ബാസിം നേത്യത്വം നല്‍കി.