മദീന: മദീന മേഖലയിൽ 21 ലക്ഷത്തിലധികം വൃക്ഷത്തൈകൾ നട്ടുപിടിപ്പിച്ച് സഊദി നാഷണൽ വാട്ടർ കമ്പനി. 'സഊദി ഗ്രീൻ ഇനീഷ്യേറ്റീവ്' പദ്ധതിയുടെ ഭാഗമായാണ് വൃക്ഷത്തൈകൾ നട്ടുപിടിപ്പിച്ചത്. പ്രകൃതി സംരക്ഷണത്തിന് നൽകുന്ന പ്രാധാന്യത്തെ വീണ്ടും വിളിച്ചോതുകയാണ് ഈ നടപടിയിലൂടെ രാജ്യം. പരിസ്ഥിതി സന്തുലിതാവസ്ഥ നിലനിർത്തുക, മരുഭൂവൽക്കരണം തടയുക തുടങ്ങിയവയാണ് ഇതിലൂടെ ലക്ഷ്യം വെക്കുന്നത്.

ALSO READ: സഊദി വിമാനത്താവളങ്ങളിൽ റെക്കോർഡ് വളർച്ച; 2025ൽ എത്തിയത് 14 കോടി യാത്രക്കാർ!

കഴിഞ്ഞ വർഷം മാത്രം 4,72,000 തൈകളാണ് കമ്പനി നട്ടുപിടിപ്പിച്ചത്. നാഷണൽ സെന്റർ ഫോർ വെജിറ്റേഷൻ കവർ ഡെവലപ്‌മെന്റുമായി സഹകരിച്ചാണ് ഈ പദ്ധതി നടപ്പിലാക്കുന്നത്. ഹാനികരമായ വാതകങ്ങൾ കുറയ്ക്കുക, ജൈവവൈവിധ്യം സംരക്ഷിക്കുക എന്നിവ ഇതിലൂടെ സാധ്യമാകും. 2021ൽ കിരീടാവകാശി മുഹമ്മദ് ബിൻ സൽമാൻ രാജകുമാരൻ ആരംഭിച്ച ഈ പദ്ധതി 2060ഓടെ 'നെറ്റ് സീറോ' എമിഷൻ കൈവരിക്കാനാണ് ലക്ഷ്യമിടുന്നത്. 

As part of the Saudi Green Initiative, the National Water Company (NWC) has planted over 2.1 million trees in the Madinah region to combat desertification and achieve net-zero emissions.