കാടാച്ചിറ: മമ്മാക്കുന്ന് പാലത്തിനു സമീപം കടയില്‍ നിന്നും വന്‍നിരോധിത പുകയില ഉത്പന്ന ശേഖരം പിടികൂടി. എക്‌സൈസ് ഇന്‍സ്പക്ടര്‍ കെ.വി.വാസുദേവന്റെ നേതൃത്വത്തില്‍ കണ്ണൂര്‍ എക്‌സൈസ് സര്‍ക്കിള്‍ പാര്‍ട്ടി മമ്മാക്കുന്ന്  നടത്തിയ പരിശോധനയില്‍  പി.കെ.അബൂട്ടിയുടെ പെട്ടിക്കട്ടയില്‍ നിന്നാണ്   1052പാക്കറ്റ് നിരോധിത പുകയില ഉത്പന്നങ്ങള്‍ പിടികൂടിയത്. ഇയാള്‍ക്കെതിരെ കോട്പ നിയമപ്രകാരം കേസെടുത്തു. പരിശോധനയില്‍  പ്രിന്റീവ് ഓഫിസര്‍ വി.പി.ഉണ്ണികൃഷ്ണന്‍, ബി.നസീര്‍, സി.ഇ.ഒ.മാരായ സുരേഷ് ബാബു, രജിത്ത് കുമാര്‍ പങ്കെടുത്തു.