ജയ്പൂര്‍: ഇന്ത്യന്‍ സൈന്യത്തിന്റെ തന്ത്രപ്രധാനമായ വിവരങ്ങള്‍ പാക് ചാര ഏജന്‍സിയായ ഐ.എസ്.ഐക്ക് ചോര്‍ത്തി നല്‍കിയ യുവാവിനെ രാജസ്ഥാന്‍ പൊലിസിന്റെ ഇന്റലിജന്‍സ് വിഭാഗം അറസ്റ്റ് ചെയ്തു. ജയ്‌സാല്‍മീര്‍ ജില്ലയിലെ പൊഖ്‌റാന്‍ സ്വദേശിയ ഝബരാറാം (28) ആണ് പിടിയിലായത്. സങ്കാര പൊലിസ് സ്റ്റേഷന്‍ പരിധിയിലെ നെദാന്‍ ഗ്രാമവാസിയായ ഝബരാറാം സോഷ്യല്‍ മീഡിയ പ്ലാറ്റ്‌ഫോമുകള്‍ വഴിയാണ് പാക് ഏജന്റുമാരുമായി ബന്ധപ്പെട്ടതെന്ന് എ.ഡി.ജി.പി പ്രഫുല്‍ കുമാര്‍ അറിയിച്ചു. പാക് ചാര ഏജന്റുമാരായ യുവതികളുടെ കെണിയില്‍വീണ ഇയാള്‍ ശത്രുരാജ്യത്തിന് അതീവരഹസ്യങ്ങള്‍ കൈമാറിയിരുന്നതായും വലിയ തുക പ്രതിഫലമായി ഇയാള്‍ കൈപ്പറ്റിയിരുന്നതായും പൊലിസ് കണ്ടെത്തി.

സൈനിക നീക്കങ്ങള്‍, സൈനിക താവളങ്ങളുടെ ദൃശ്യങ്ങള്‍ എന്നിവയും ഇയാള്‍ പാകിസ്ഥാനിലേക്ക് അയച്ചുകൊടുത്തു. സ്വന്തം പേരില്‍ എടുത്ത സിം കാര്‍ഡിന്റെ ഒ.ടി.പി പാക് ഏജന്റുമാര്‍ക്ക് നല്‍കുകയും, ആ സിം ഉപയോഗിച്ച് അവര്‍ ആക്ടിവേറ്റ് ചെയ്ത വാട്‌സാപ്പ് വഴി രാജ്യവിരുദ്ധ പ്രവര്‍ത്തനങ്ങള്‍ ഏകോപിപ്പിച്ചിരുന്നതായും കണ്ടെത്തി.

അതിര്‍ത്തി മേഖലകളില്‍ പാക് ചാര ശൃംഖലജന്റുമാരുടെ സാന്നിധ്യം വര്‍ധിച്ചെന്ന വിവരത്തെത്തുടര്‍ന്ന് രാജസ്ഥാന്‍ ഇന്റലിജന്‍സ് പ്രത്യേക നിരീക്ഷണം നടത്തിവരികയാണ് 

The Intelligence Wing of the Rajasthan Police has arrested a local youth from the Pokhran area of Jaisalmer district for allegedly spying for Pakistan’s intelligence agency, the Inter-Services Intelligence (ISI).