പാനൂര്‍: കോണ്‍ഗ്രസ് അനുഭാവിയുടെ ജീപ്പ് പെട്രോള്‍ ഒഴിച്ച് കത്തിച്ചു. മീത്തലെ കുന്നോത്ത് പറമ്പ് കടുങ്ങാന്‍പൊയില്‍ പാറയില്‍ പറമ്പത്ത് ജിജേഷിന്റെ വെള്ളിയാഴ്ച രാത്രി 11.30ഓടെ കത്തിച്ചത്. തീ ആളിക്കത്തുന്നത് കണ്ട് വീട്ടുകാര്‍ വാതില്‍ തുറന്ന് നോക്കുമ്പോഴേക്കും ആക്രമികള്‍ ഓടിമറഞ്ഞു. സമീപത്തു നിന്ന് പെട്രോള്‍ നിറച്ച കാലി കുപ്പിയും ലൈറ്ററും കണ്ടെടുത്തു. ജീപ്പ് പൂര്‍ണമായും കത്തി. കൊളവല്ലൂര്‍ പൊലിസ് സ്ഥലത്തെത്തി കേസെടുത്തു. ഹോളോബ്രിക്‌സ് ജോലിക്കാരനാണ് ജിതേഷ്.