കണ്ണൂര്‍: ജില്ലാ ടൂറിസം പ്രമോഷന്‍ കൗണ്‍സിലിന്റെ ഓണോത്സവത്തിന് വര്‍ണാഭമായ ഘോഷയാത്രയോടെ തുടക്കമായി. ഇന്നലെ വൈകുന്നേരം അഞ്ചിന് പ്രഭാത് ജങ്ഷനില്‍ നിന്ന് ആരംഭിച്ച ഘോഷയാത്രയിലെ പുലികളി ഏറെ ആകര്‍ഷകമായി. ശിങ്കാരിമേളം, വനിതാ കോല്‍ക്കളി, മയൂര നൃത്തം, അമ്മക്കൂടം തുടങ്ങിയവ ഘോഷയാത്രയ്ക്ക് മിഴിവേകി. ഇന്നുവൈകിട്ട് ആറിന് ആരോഗ്യ മന്ത്രി കെ.കെ ശൈലജ ഓണോത്സവം ഉദ്ഘാടനം ചെയ്യും.
ലിംക ബുക്ക് ഓഫ് റെക്കോര്‍ഡില്‍ ഇടംതേടിയ സോപാനം സ്‌കൂള്‍ ഓഫ് പഞ്ചവാദ്യം അവതരിപ്പിക്കുന്ന തിമിലയിടച്ചില്‍, സിനിമാതാരം മേഘ്‌ന വിന്‍സെന്റ് അവതരിപ്പിക്കുന്ന ക്ലാസിക്കല്‍ ഡാന്‍സ് എന്നിവ അരങ്ങേറും.
18ന് വൈകുന്നേരം ആറിന് സാംസ്‌കാരിക സമ്മേളനം റവന്യൂ മന്ത്രി ഇ ചന്ദ്രശേഖരന്‍ ഉദ്ഘാടനം ചെയ്യും.