വള്ളിക്കുന്ന്: ഓണാഘോഷത്തിന്റെ ഭാഗമായി നീലേശ്വരം താലൂക്ക് ആശുപത്രിയില്‍ തീര്‍ത്ത കറങ്ങുന്ന പൂക്കളം കാഴ്ചക്കാര്‍ക്കു കൗതുകമായി. ആശുപത്രി ജീവനക്കാരനായ കെ.ജെ ബെന്നിയാണു പൂക്കളത്തിന്റെ ഡിസൈനും സാങ്കേതികതയും തയാറാക്കിയത്.
ഡോ.സനീഷ്, ജീവനക്കാരായ സിജോ.എം.ജോസ്, എം ചന്ദ്രന്‍, ടി അരുണ്‍, കെ ലജീഷ്, രഞ്ജിത്ത് കരിപ്പോത്ത്, എം.വി ബാലകൃഷ്ണന്‍, വി.വി സൂര്യ, ഹയറുന്നിസ എന്നിവരുടെ നേതൃത്വത്തിലാണു പൂക്കളമൊരുക്കിയത്. പൂക്കളം പൂര്‍ത്തിയാകാന്‍ പത്തു മണിക്കൂറോളമെടുത്തു. ജോലിയെ ബാധിക്കാതിരിക്കാന്‍ വെള്ളിയാഴ്ച രാത്രിയാണ് പൂക്കളമൊരുക്കാന്‍ തുടങ്ങിയത്. ഇന്നലെ രാവിലെ ഏഴരയോടെയാണു പൂക്കളം പൂര്‍ത്തിയായത്.