മുംബൈ: മുംബൈ വിമാനത്താവളത്തില്‍ യാത്രാ വിമാനങ്ങളുടെ ചിറകുകള്‍ കൂട്ടിയിടിച്ച് അപകടം. എയര്‍ ഇന്ത്യ, ഇന്‍ഡിഗോ വിമാനങ്ങളാണ് കൂട്ടിയിടിച്ചത്. അപകടത്തില്‍ ആര്‍ക്കും പരിക്കില്ല, യാത്രക്കാര്‍ സുരക്ഷിതരാണ്. 

എയര്‍ ഇന്ത്യയുടെ മുംബൈ- കോയമ്പത്തൂര്‍ വിമാനവും, ഇന്‍ഡിഗോയുടെ ഹൈദരാബാദ്- മുംബൈ വിമാനവുമാണ് ടേക്ക് ഓഫിന് മുന്‍പ് ടാക്‌സിവേയില്‍ വെച്ച് കൂട്ടിമുട്ടിയത്. സംഭവ സമയത്ത് ഇരു വിമാനങ്ങളിലും യാത്രക്കാര്‍ ഉണ്ടായിരുന്നു. അപകടം വലിയ ദുരന്തത്തിലേക്ക് വഴിമാറാത്തത് ആശ്വാസമായി. 

ALSO READ: In Depth Story | ജാതിവിവേചനത്തിനെതിരായ യു.ജി.സി ചട്ടം: പിന്നാക്ക വോട്ടുബാങ്ക് ലക്ഷ്യംവച്ചുള്ള ബി.ജെ.പി നീക്കം; സവര്‍ണര്‍ വെയിലുകൊണ്ടപ്പോള്‍ അധികൃതര്‍ക്ക് പൊള്ളി

അതേസമയം അപകടത്തില്‍ പ്രസ്താവനയുമായി എയര്‍ ഇന്ത്യ രംഗത്തെത്തി. വിമാനത്തിന്റെ ചിറകിന്റെ അറ്റത്ത് കേടുപാടുകള്‍ സംഭവിച്ചതായും, കൂടുതല്‍ സാങ്കേതിക പരിശോധനകള്‍ക്കായി വിമാനം നിലത്തിറക്കിയതായും എയര്‍ ഇന്ത്യ അറിയിച്ചു. യാത്രക്കാരെ സുരക്ഷിതരായി പുറത്തെത്തിച്ചതായും, അവരെ ലക്ഷ്യ സ്ഥാനത്തേക്ക് എത്തിക്കുന്നതിന് ആവശ്യമായ ക്രമീകരണങ്ങള്‍ നടപ്പിലാക്കി വരികയാണെന്നും എയര്‍ ഇന്ത്യ അറിയിച്ചു.

ALSO READ: ഇത് ജനങ്ങളുടെ വിജയം; പ്രതിഷേധങ്ങള്‍ക്ക് പിന്നാലെ കാസര്‍ഗോഡ് കുമ്പളയിലെ ടോള്‍ പിരിവ് നിര്‍ത്തലാക്കി കേന്ദ്രം  

an accident occurred at mumbai airport when the wings of passenger aircraft collided. air india and indigo aircraft were involved in the incident. no one was injured, and all passengers are safe.