ഹരാരെ: അണ്ടർ 19 ഏകദിന ക്രിക്കറ്റ് ലോകകപ്പിൻ്റെ ഫൈനൽ മത്സരം ഇന്ന് നടക്കും. ഇന്ന് ഉച്ചക്ക് ഒരു മണി മുതൽ ഇന്ത്യയും ഇംഗ്ലണ്ടും തമ്മിലാണ് കിരീടത്തിനായി പോരിനിറങ്ങുന്നത്.

സെമി ഫൈനലിൽ അഫ്ഗാനിസ്ഥാനെതിരേ ആധികാരിക ജയം നേടിയാണ് ഇന്ത്യ കലാശപ്പോരാട്ടത്തിന് എത്തുന്നത്. 310 റൺസ് നേടിയ അഫ്ഗാനിസ്ഥാന്റെ സ്കോർ 41.1 ഓവറിൽ ഇന്ത്യ മറികടക്കുകയായിരുന്നു. മലയാളി താരം ആരോൺ ജോർജിന്റെ സെഞ്ചുറിയുടെ കരുത്തിലായിരുന്നു ഇന്ത്യ ജയം കൊയ്തത്. വെടിക്കെട്ട് ബാറ്റർ വൈഭവ് സുര്യംവംശി, നായകൻ ആയുഷ് മെഹ്ത്രെ തുടങ്ങിയവരെല്ലാം മികച്ച ഫോമിലാണെന്നുള്ളത് ഇന്ത്യക്ക് ആത്മവിശ്വാസം നൽകുന്ന കാര്യമാണ്.

അതേസമയം കരുത്തരായ ആസ്ത്രേലിയയെ വീഴ്ത്തിയാണ് ഇംഗ്ലണ്ട് എത്തുന്നത്. സെമി ഫൈനൽ പോരാട്ടത്തിൽ 27 റൺസിനായിരുന്നു ഇംഗ്ലണ്ടിന്റെ ജയം. ആദ്യം ബാറ്റ് ചെയ്ത ഇംഗ്ലണ്ട് നിശ്ചിത ഓവറിൽ ഏഴു വിക്കറ്റ് നഷ്‌ടത്തിൽ 277 റൺസാണ് നേടിയത്. മറുപടിക്കിറങ്ങിയ ആസ്ത്രേലിയക്ക് 47.3 ഓവറിൽ 250 റൺസെടുക്കാനേ കഴിഞ്ഞു

ഫൈനൽ പോരാട്ടം ജിയോ ഹോട്സ്റ്റാർ ആപ്പിലും സ്റ്റാർ സ്പോർട്സ് നെറ്റ്‌വർക്കിലും തത്സമയം കാണാൻ സാധിക്കും.