ന്യൂഡല്‍ഹി: ഡല്‍ഹിയിലെ സഫ്ദര്‍ജംഗ് വിമാനത്താവളത്തിന് സമീപം ഗോഡൗണിന് തീപിടിച്ച് അപകടം. എന്‍ഡിഎംസിയുടെ ഉടമസ്ഥതയിലുള്ള ഗോഡൗണിലാണ് തീപിടിത്തമുണ്ടായത്. ഫയര്‍ഫോഴ്‌സ് സംഘം സ്ഥലത്തെത്തി തീ അണയ്ക്കാനുള്ള ശ്രമങ്ങള്‍ തുടരുകയാണ്. 

പ്ലാസ്റ്റിക്കും, സിലിണ്ടറുകളും സൂക്ഷിച്ചിരുന്ന ഗോഡൗണിലാണ് വന്‍ തീപിടിത്തമുണ്ടായത്. സിലിണ്ടറുകള്‍ പൊട്ടിത്തെറിച്ചത് അപകടത്തിന്റെ വ്യാപ്തി കൂട്ടി. സമീപത്തെ ഫ്‌ളൈഓവറിന്റെ ഒരു വശത്തേക്കുള്ള ഗതാഗതം നിര്‍ത്തിവെച്ചിരിക്കുകയാണ്. എട്ട് യൂണിറ്റ് ഫയര്‍ ഫോഴ്‌സ് എത്തിയാണ് രക്ഷാപ്രവര്‍ത്തനം നടത്തുന്നത്.

തീപിടിത്തത്തില്‍ പ്രദേശത്തെ മരങ്ങളുള്‍പ്പെടെ നശിച്ചിട്ടുണ്ട്. കനത്ത പുകയും, ചൂടും മൂലം രക്ഷാപ്രവര്‍ത്തനം കൂടുതല്‍ ദുസഹമാക്കിയിരിക്കുകയാണ്. ഗോഡൗണില്‍ ആരെങ്കിലും അകപ്പെട്ടിട്ടുണ്ടോ എന്ന കാര്യത്തില്‍ വ്യക്തതയില്ല.

ALSO READ: ഇംഗ്ലണ്ടിനെ തകർത്തു; അണ്ടർ-19 ലോകകപ്പിൽ ഇന്ത്യയ്ക്ക് ആറാം കിരീടം! വൈഭവ് സൂര്യവംശിയുടെ റെക്കോർഡ് പ്രകടനത്തിൽ ഇന്ത്യയ്ക്ക് ചരിത്രജയം