മുംബൈ: ടി20 ക്രിക്കറ്റ് ലോകകപ്പിന്റെ ആരവങ്ങൾക്ക് ഇന്ന് തുടക്കമാകുന്നു. ഇന്ത്യയിലും ശ്രീലങ്കയിലുമായി ഇനി ഒരു മാസക്കാലം ക്രിക്കറ്റ് ആരവങ്ങളുയരും. ഇന്ന് രാവിലെ 11ന് കൊളംബോയിലെ സിൻഹള സ്‌പോട്‌സ് ക്ലബിലാണ് ചാംപ്യൻഷിപ്പിലെ ആദ്യ മത്സരം നടക്കുന്നത്. 

ലോകകപ്പിലെ ഇന്ത്യക്കതിരായ മത്സരം ബഹിഷ്‌കരിക്കുമെന്ന് പറയുന്നുണ്ടെങ്കിലും ടൂർണമന്റിലെ ബാക്കിയുള്ള മത്സരങ്ങൾ കളിക്കുമെന്ന തീരുമാനത്തിലാണ് പാകിസ്ഥാൻ. അടുത്തിടെ ആസ്‌ത്രേലിയക്കെതിരേ സമാപിച്ച പരമ്പര 3-0ത്തിന് നേടിയാണ് പാകിസ്ഥാൻ എത്തുന്നത്. അതിനാൽ മികച്ച ആത്മവിശ്വാസത്തിലാണ് സൽമാൻ അലി അഗയും സംഘവും കളത്തിലിറങ്ങുന്നത്. അതേസമയം ലോകകപ്പിൽ പരിചയമുള്ള നെതർലൻഡ്‌സിനെ എഴുതിത്തള്ളാൻ കഴിയില്ല. എന്തായാലും പാകിസ്ഥാൻ വെല്ലുവിളി ഉയർത്താൻ കഴിയുമെന്ന വിശ്വാസത്തിൽ തന്നെയാണ് സ്‌കോട്ട് എഡ്വാർഡിന്റെ നേതൃത്വത്തിലുള്ള നെതർലൻഡ് എത്തുന്നത്. 

വെസ്റ്റ് ഇൻഡീസ് X സ്‌കോട്‌ലൻഡ്

ഇന്ന് നടക്കുന്ന രണ്ടാം മത്സരത്തിൽ വെസ്റ്റ് ഇൻഡീസും സ്‌കോർട്‌ലൻഡും തമ്മിൽ പോരിനിറങ്ങുന്നുണ്ട്. ഉച്ചയ്ക്ക് മൂന്ന് മുതൽ കൊൽക്കത്തയിലെ ഈഡൻ ഗാർഡൻസിലാണ് മത്സരം. അവസാനമായി നടന്ന വാം അപ് മത്സരത്തിൽ അഫ്ഗാനിസ്ഥാനെ 23 റൺസിന് തോൽപ്പിച്ചാണ് വെസ്റ്റ് ഇൻഡീസ് വരുന്നത്. അതിന് മുന്നോടിയായി ദക്ഷിണാഫ്രിക്കക്കെതിരേ നടന്ന ടി20 പരമ്പരയിൽ വെസ്റ്റ് ഇൻഡീസ് 2-1ന് തോറ്റിരുന്നു. എന്നാലും ഇന്ന് എതിരാളികൾ ശക്തരല്ലാത്തതിനാൽ ആദ്യ മത്സരത്തിൽ ജയിച്ചു കയറാൻ കഴിയുമെന്ന പ്രതീക്ഷയിലാണ് വിൻഡീസ് ടീം. അതേസമയം സ്‌കോട്‌ലൻഡിന് ശക്തരായ എതിരാളികളെയാണ് ആദ്യ മത്സരത്തിൽ തന്നെ ലഭിച്ചിരിക്കുന്നത്. എന്നാലും പൊരുതി നോക്കുക എന്ന ഉദ്ദേശത്തോടെയാകും സ്‌കോട്‌ലൻഡ് വിൻഡീസിനെ നേരിടുക. ലോകകപ്പിന് മുന്നോടിയായി നമീബിയക്കെതിരേ വാം അപ് മത്സരം കളിച്ചിരുന്നെങ്കിലും മത്സരത്തിൽ സ്‌കോട്‌ലൻഡ് ആറു റൺസിന് തോറ്റിരുന്നു. ഇന്ന് വൈകിട്ട് മൂന്നിന് കൊൽക്കത്തയിലാണ് മത്സരം. 

ഹേസൽവുഡും പുറത്ത്; ഓസീസിന് തിരിച്ചടി

ടി20 ലോകകപ്പ് തുടങ്ങാനിരിക്കെ ആസ്‌ത്രേലിയക്ക് തിരിച്ചടിയായി താരങ്ങളുടെ പരുക്ക്. പാറ്റ് കമ്മിൻസ് പുറത്തായതിന് പിന്നാലെ പേസർ ജോഷ് ഹേസൽവുഡും പരുക്കേറ്റ് പുറത്തായി. ആഷസ് പരമ്പര നഷ്ടമായിരുന്ന ഹേസൽവുഡിന് ടി20ലോകകപ്പിന് മുൻപ് പരിക്കിൽ നിന്ന് മുക്തനാവാൻ സാധിച്ചില്ല. അതേസമയം ഹേസൽവുഡിന് പകരക്കാരനെ പ്രഖ്യാപിക്കുന്നില്ലെന്നും സെലക്ടർ അറിയിച്ചു. 

ഇന്ത്യ അമേരിക്കക്കെതിരെ 

ടി20 ക്രിക്കറ്റ് ലോകകപ്പിലെ ആദ്യ മത്സരത്തിനായി ഇന്ന് കളത്തിലിറങ്ങുന്നു. ഇന്ന് വൈകിട്ട് ഏഴിന് മുംബൈ വാങ്കഡെ സ്റ്റേഡിയത്തിൽ അമേരിക്കയെ ആണ് ഇന്ത്യ ആദ്യ മത്സരത്തിൽ നേരിടുന്നത്. ലോകകപ്പിന് മുന്നോടിയായി ന്യൂസിലൻഡിനെതിരേ നടന്ന ടി20 പരമ്പരയിൽ ഇന്ത്യ മികവ് കാട്ടിയിരുന്നു. 

അഞ്ച് മത്സരങ്ങൾ അടങ്ങുന്ന പരമ്പര 4-1നായിരുന്നു ഇന്ത്യ നേടിയത്. ബാറ്റിങ്ങിലും ബൗളിങ്ങിലും ടീം താളം കണ്ടെത്തിയതാണ് ഇന്ത്യക്ക് ആത്മവിശ്വാസം നൽകുന്ന കാര്യം. ഓപണർ അഭിഷേക് ശർമക്കൊപ്പം ഇന്ന് ഇഷൻ കിഷനെ ആകും കളത്തിലിറക്കു. ഓപണറുടെ സ്ഥാനത്തുണ്ടായിരുന്ന സഞ്ജു സാസംണെ മാറ്റിയിട്ടുണ്ട്. ക്യാപ്റ്റൻ സൂര്യകുമാർ യാദവ്, ഹർദിക് പാണ്ഡ്യ, ശിവം ദുബെ തുടങ്ങിയവരെല്ലാം മികച്ച ഫോമിലാണെന്നുള്ളത് ഇന്ത്യക്ക് ആത്മവിശ്വാസം നൽകുന്ന കാരമാണ്.