പത്തനംതിട്ട: വീടിന്റെ ജനലിലൂടെ യുവതി വസ്ത്രം മാറുന്ന ദൃശ്യങ്ങൾ ഒളിഞ്ഞുനോക്കുകയും മൊബൈൽ ഫോണിൽ ചിത്രീകരിക്കുകയും ചെയ്ത സംഭവത്തിൽ പ്രതി പൊലിസ് പിടിയിലായി. പ്രമാടം മല്ലശ്ശേരി ഒറ്റപ്ലാവ്നിൽക്കുന്നതിൽ സുജിത്ത് എന്ന് വിളിക്കുന്ന ബൽരാജ് വി.വി. (45) ആണ് പത്തനംതിട്ട പൊലിസിന്റെ പിടിയിലായത്.

സംഭവത്തെക്കുറിച്ച് പൊലിസ് പറയുന്നത്:

2025 സെപ്റ്റംബർ എട്ടാം തീയതി രാത്രി എട്ടരയോടെയാണ് കേസിനാസ്പദമായ സംഭവം നടന്നത്. യുവതി വസ്ത്രം മാറുന്നതിനിടെ ജനലിനിടയിലൂടെ പ്രതി ദൃശ്യങ്ങൾ പകർത്തുകയായിരുന്നു. ഇത് ശ്രദ്ധയിൽപ്പെട്ട യുവതി നൽകിയ പരാതിയുടെ അടിസ്ഥാനത്തിൽ പത്തനംതിട്ട പൊലിസ് സബ് ഇൻസ്പെക്ടർ രാജേഷ് കുമാർ കെ.ആർ. കേസ് രജിസ്റ്റർ ചെയ്യുകയും പ്രതിയെ ഉടൻതന്നെ പിടികൂടുകയും ചെയ്തു.

നിയമനടപടികൾ

സ്ത്രീത്വത്തെ അപമാനിക്കൽ, സ്വകാര്യതയിലേക്കുള്ള കടന്നുകയറ്റം തുടങ്ങിയ വകുപ്പുകൾ പ്രകാരമാണ് പ്രതിക്കെതിരെ നടപടി സ്വീകരിച്ചത്. പൊലിസ് കസ്റ്റഡിയിലെടുത്ത പ്രതിയെ പിന്നീട് കോടതിയിൽ ഹാജരാക്കി. കോടതി ഇയാൾക്ക് ഇടക്കാല ജാമ്യം അനുവദിച്ചതിനെത്തുടർന്ന് വിട്ടയച്ചു.