ഷൊര്‍ണൂര്‍: റോട്ടറി ക്ലബ്ബിന്റെ ആഭിമുഖ്യത്തില്‍ പാവപ്പെട്ടവര്‍ക്കു ഓണക്കോടിയും ഓണക്കിറ്റും നല്‍കി. നഗരസഭ ചെയര്‍പേഴ്‌സണ്‍ വി വിമല ഓണക്കിറ്റ് വിതരണ ഉദ്ഘാടനം ചെയ്തു. ക്ലബ്ബ് പ്രസിഡന്റ് ഉണ്ണികൃഷ്ണന്‍ മുന്‍ പ്രസിഡന്റ് ഗീത അബ്രഹാം, സെയ്ത് മുളയ്ക്കല്‍ സന്നിഹിതരായി.
ലയണ്‍സ് ക്ലബ്ബിന്റെ ആഭിമുഖ്യത്തില്‍ നഗരസഭ വയോമിത്രം, പാലിയേറ്റീവ് അംഗങ്ങള്‍ക്ക് ഓണക്കോടിയും ഓണക്കിറ്റും നല്‍കി. നഗരസഭ ചെയര്‍പേഴ്‌സണ്‍ വി വിമല വിതരണോദ്ഘാടനം ചെയ്തു.
നൂറ്റി അമ്പതോളം പേര്‍ക്കാണ് ഓണക്കിറ്റ് നല്‍കിയത്. എം നാരായണന്‍, അനില്‍കുമാര്‍, വി.കെ.ശ്രീകൃഷ്ണന്‍ പ്രസംഗം നടത്തി. സി.സി. ജയന്‍ സ്വാഗതവും സേതുമാധവന്‍ നന്ദിയും പറഞ്ഞു.
ഒറ്റപ്പാലം: അനങ്ങനടി പഞ്ചായത്തിലെ ഓണക്കിറ്റ് വിതരണം പഞ്ചായത്ത് പ്രസിഡന്റ് എന്‍.ആര്‍ രഞ്ജിത്ത് ഉദ്ഘാടനം ചെയ്തു. സ്ഥിരം സമിതി അധ്യക്ഷന്‍ ഇബ്രാഹിം മേനക്കം അധ്യക്ഷനായി.