പാലക്കാട്: ജില്ലാ പഞ്ചായത്ത് ഭരണസമിതി ദേശീയ, സംസ്ഥാന, ജില്ലാതല അധ്യാപക അവാര്‍ഡ് നേടിയ ജേതാക്കളെയും മികച്ച പി.ടി.എ അവാര്‍ഡ് നേടിയ വിദ്യാലയങ്ങളെയും ആദരിച്ചു. ന
ജില്ലാ പഞ്ചായത്ത് പ്രസിഡന്റ് അഡ്വ. കെ.ശാന്തകുമാരി അധ്യക്ഷത വഹിച്ച ചടങ്ങില്‍ വൈസ് പ്രസിഡന്റ്, ചെയര്‍മാന്‍മാര്‍, സെക്രട്ടറി, ജില്ലാ പഞ്ചായത്ത് അംഗങ്ങള്‍, ബ്ലോക്ക് പഞ്ചായത്ത് പ്രസിഡന്റുമാര്‍, ഉദ്യോസ്ഥര്‍ പങ്കെടുത്തു.
ജില്ലാതലത്തില്‍ ബെസ്റ്റ് പി.ടി.എ. അവാര്‍ഡ് നേടിയ കടമ്പഴിപ്പുറം ഗ്രാമപഞ്ചായത്തിലെ പുലാപ്പറ്റ എം.എന്‍.കെ.എം. ഹയര്‍ സെക്കന്‍ഡറി സ്‌കൂള്‍, കാരാകുര്‍ശ്ശി പഞ്ചായത്തിലെ കാരാകുര്‍ശ്ശി ഗവ. വൊക്കേഷണല്‍ ഹയര്‍ സെക്കന്‍ഡറി സ്‌കൂള്‍ രണ്ടാം സ്ഥാനവും നേടി.
നാഷണല്‍ അവാര്‍ഡ് ജേതാവ് ബമ്മണ്ണൂര്‍ ഹൈസ്‌കൂള്‍ അധ്യാപിക രമണി ടീച്ചര്‍, സംസ്ഥാന അധ്യാപക അവാര്‍ഡില്‍ സെക്കന്‍ഡറി വിഭാഗത്തില്‍ മികച്ച അധ്യാപകനായ കടമ്പഴിപ്പുറം ഹൈസ്‌കൂളിലെ അസി. ടീച്ചര്‍ പി അപ്പുക്കുട്ടന്‍, പ്രൈമറി വിഭാഗത്തില്‍ മികച്ച അധ്യാപകനായ എച്ച് എം. - വടശ്ശേരിപ്പുറം ഗവ. യു.പി.സ്‌കൂളിലെ കെ വിനോദ് കുമാര്‍ എന്നിവരെയാണ് തെരഞ്ഞെടുത്തത്.