കുണിയ:സമസ്ത ശതാബ്ദി ക്യാപിന്റെ സമാപന സംഗമം സമസ്ത കേന്ദ്ര മുശാവറ അംഗം അസ്ഗറലി ഫൈസി പട്ടിക്കാട് ഉദ്ഘാടനം ചെയ്യും. മന്ത്രി വി. അബ്ദുറഹ്‌മാൻ, പ്രൊഫ. കെ.എം ഖാദർ മൈയ്തീൻ അതിഥികളാകും. പൂക്കോയ തങ്ങൾ ബാഅലവി അൽഐൻ നസ്വീഹത് നൽകും. സമാപന പ്രാർഥനയ്ക്ക് ഏലംകുളം ബാപ്പു മുസ് ലിയാർ നേതൃത്വം നൽകും. നൗഷാദ് ബാഖവി ചിറയിൻകീവ് ആമുഖവും മുസ്തഫ അഷ്‌റഫി കക്കുപ്പടി നന്ദിയും പറയും. 

സമാപന ദിനമായ ഇന്ന് രാവിലെ 4.30ന് സിദ്ദീഖ് നദ് വി ചേറൂരിന്റെ നേതൃത്വത്തിലുള്ള ഉദ്‌ബോധനം നടക്കും. 'വിസ്മയം ഈ ഖുർആൻ' വിഷയത്തിൽ രാവിലെ ആറിന് ശാജഹാൻ റഹ്‌മാനി കംബ്ലക്കാട് സംസാരിക്കും. 
രാവിലെ ഒൻപത് മുതൽ 'നൂറ്റാണ്ടുകൾ' പ്രമേയത്തിലുള്ള അവസാന സെഷൻ പാണക്കാട് മുഈനലി ശിഹാബ് തങ്ങളുടെ അധ്യക്ഷതയിൽ സമസ്ത കേന്ദ്ര മുശാവറ അംഗം എ.വി അബ്ദുറഹ്‌മാൻ മുസ്ലിയാർ ഉദ്ഘാടനം ചെയ്യും. ഫസൽ ശിഹാബ് തങ്ങൾ ആലത്തൂർപടി പ്രാർഥന നടത്തും. എം. മൊയ്തീൻകുട്ടി ഫൈസി വാക്കോട്, അലവിക്കുട്ടി ഹുദവി മുണ്ടംപറമ്പ്, സത്താർ പന്തലൂർ എന്നിവർ വിഷയാവതരണം നടത്തും. എസ്.ഇ.എ പ്രസിഡന്റ് മുസ്തഫ മുണ്ടുപാറ ആമുഖ ഭാഷണവും ശുഐബ് തങ്ങൾ കണ്ണൂർ നന്ദിയും പറയും.