സാങ്കേതികവിദ്യയുടെ അതിപ്രസരം യുവതലമുറയെ മൂല്യച്യുതിയിലേക്കും സൈബർ ചതിക്കുഴികളിലേക്കും നയിക്കുന്ന ആധുനിക സാഹചര്യത്തിൽ, പൊതുവിദ്യാഭ്യാസ മേഖലയിൽ സൈബർ എത്തിക്സും (Cyber Ethics) സ്വഭാവ സംസ്കരണത്തിന് മുൻഗണന നൽകുന്ന ധർമ്മപാഠങ്ങളും ഉൾപ്പെടുത്തേണ്ടത് അത്യന്തം അനിവാര്യമാണെന്ന് സമസ്ത കേരള ജംഇയ്യത്തുൽ ഉലമ നൂറാം വാർഷിക സമ്മേളനം പ്രമേയത്തിലൂടെ വ്യക്തമാക്കി. 

ALSO READ: ഈദ് ആഘോഷങ്ങള്‍ക്ക് മൂന്ന് ദിവസത്തെ ഔദ്യോഗിക അവധി അനുവദിക്കണം: സമസ്ത 

കേവലം അറിവ് സമ്പാദനത്തിനപ്പുറം സത്യസന്ധതയും സാമൂഹിക പ്രതിബദ്ധതയും വളർത്തുന്ന മൂല്യാധിഷ്ഠിത പാഠപുസ്തകങ്ങൾ സ്കൂൾ തലത്തിൽ നടപ്പിലാക്കുന്നതിലൂടെ മാത്രമേ ലഹരി, സൈബർ വിപത്തുകൾ എന്നിവയിൽ നിന്ന് വരുംതലമുറയെ സംരക്ഷിക്കാനാവൂ. അതിനാൽ, ഡിജിറ്റൽ യുഗത്തിലെ പെരുമാറ്റച്ചട്ടങ്ങളും ധാർമ്മിക അടിത്തറയും സമന്വയിപ്പിച്ചുകൊണ്ടുള്ള പരിഷ്കരിച്ച പാഠ്യപദ്ധതി നടപ്പിലാക്കാൻ സർക്കാർ തയ്യാറാകണമെന്ന് സമ്മേളനം പ്രമേയത്തിലൂടെ ആവശ്യപ്പെട്ടു. ഉമർ ഫൈസി മുക്കം അവതരിപ്പിച്ച പ്രമേയത്തെ നെല്ലായ കുഞ്ഞഹമ്മദ് മുസ്ല്യാർ പിന്താങ്ങി. 

include moral lessons and cyber ethics in the general education syllabus: samastha