ന്യൂഡൽഹി: പശ്ചിമ ഡൽഹിയിലെ പീർഗടി പാലത്തിന് സമീപം നിർത്തിയിട്ടിരുന്ന കാറിൽ ഒരു സ്ത്രീയും രണ്ട് പുരുഷന്മാരും മരിച്ച നിലയിൽ. രൺധീർ (62), ശിവ്‌നരേഷ് (40), ലക്ഷ്മി (40) എന്നിവരാണ് മരിച്ചത്. രൺധീറും ശിവ്‌നരേഷും റാൻഹോള സ്വദേശികളും, ലക്ഷ്മി ജഹാംഗീർപുരി സ്വദേശിയുമാണ്.

പീർഗടി പാലത്തിന് മുകളിൽ സംശയാസ്പദമായ രീതിയിൽ ഒരു ടാറ്റ ടിയാഗോ കാർ നിർത്തിയിട്ടിരിക്കുന്നത് ശ്രദ്ധയിൽപ്പെട്ട അഗ്നിശമന സേനയാണ് പൊലിസിനെ വിവരമറിയിച്ചത്. തുടർന്ന് നടത്തിയ പരിശോധനയിലാണ് കാറിനുള്ളിൽ മൃതദേഹങ്ങൾ കണ്ടെത്തിയത്. മൃതദേഹങ്ങളിൽ പുറമെ പരുക്കുകളൊന്നും കണ്ടെത്തിയിട്ടില്ല. കാറിനുള്ളിലുണ്ടായിരുന്ന വിലപിടിപ്പുള്ള സാധനങ്ങളും പണവും നഷ്ടപ്പെട്ടിട്ടില്ലാത്തതിനാൽ ഇത് മോഷണശ്രമമല്ലെന്ന് പൊലിസ് ഉറപ്പിച്ചു. കാറിനുള്ളിൽ നിന്ന് വിഷാംശം ഉള്ളിൽ ചെന്ന് മരിച്ചതാകാമെന്നാണ് പ്രാഥമിക നിഗമനം.

ALSO READ: പെരുമ്പാവൂരിൽ അതിഥി തൊഴിലാളികൾക്കിടയിൽ ഉദ്യോ​ഗസ്ഥരുടെ മിന്നൽ പരിശോധന; 9 കേസുകൾ, 3 സ്ത്രീകൾ കസ്റ്റഡിയിൽ

സംഭവസ്ഥലത്തെത്തിയ ഫൊറൻസിക് സംഘം തെളിവുകൾ ശേഖരിച്ചു. മരണകാരണം സംബന്ധിച്ച് കൂടുതൽ വ്യക്തത ലഭിക്കുന്നതിനായി മൃതദേഹങ്ങൾ പോസ്റ്റ്‌മോർട്ടത്തിന് അയച്ചിരിക്കുകയാണ്. സംഭവത്തിൽ പൊലിസ് വിശദമായ അന്വേഷണം ആരംഭിച്ചു.

In a tragic incident in Delhi, a woman and two men were found dead inside a parked car. Based on the preliminary investigation, the police suspect it to be a case of suicide. Authorities are currently examining the scene and the vehicle for further evidence to determine the exact cause of death. The bodies have been sent for a post-mortem examination, and the identities of the deceased are being verified.