കൊടകര: സെപ്റ്റംബര്‍ 10 മുതല്‍ 12 വരെ നടക്കുന്ന സ്റ്റുഡന്റ് പൊലിസ് കേഡറ്റിന്റെ ഓണം വെക്കേഷന്‍ ക്യാംപ് ആരംഭിച്ചു. കൊടകര ജി.എച്ച്.എസ്.എസ് സ്‌കൂളില്‍ നടക്കുന്ന ക്യാംപില്‍ ജി.എച്ച്.എസ്.എസ് കൊടകര, ജി.എച്ച്.എസ്.എസ് ചെമ്പുച്ചിറ, ജി.എച്ച്.എസ്.എസ് നന്തിക്കര, എസ്.എന്‍.വി.വി.എച്ച്.എസ് ആളൂര്‍, വിമല്‍ ജ്യോതി മുപ്ലിയം എന്നീ സ്‌കൂളുകളില്‍ നിന്നായി 500 ഓളം വിദ്യാര്‍ഥികള്‍ പങ്കെടുക്കും.
ക്യാംപിന് കൊടകര പൊലിസ് ഇന്‍സ്‌പെക്ടര്‍ കെ.സുമേഷ് പതാക ഉയര്‍ത്തി. കൊടകര പഞ്ചായത്ത് വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ ഇ.എല്‍ പാപ്പച്ചന്‍ അധ്യക്ഷനായി. കൊടകര ഗ്രാമപഞ്ചായത്ത് പ്രസിഡന്റ് പി.ആര്‍ പ്രസാദന്‍ ക്യാംപിന്റെ ഉദ്ഘാടനം നിര്‍വഹിച്ചു. ചാലക്കുടി ഡി.വൈ.എസ്.പി പി.വാഹിദ് മുഖ്യാതിഥിയായിരുന്നു. കൊടകര പൊലിസ് ഇന്‍സ്‌പെക്ടര്‍ കെ.സുമേഷ്, പുതുക്കാട് പൊലിസ് ഇന്‍സ്‌പെക്ടര്‍ എസ്.പി സുധീരന്‍, കൊടകര പൊലിസ് സബ് ഇന്‍സ്‌പെക്ടര്‍ ജിബു ജോണ്‍, വെള്ളികുളങ്ങര പൊലിസ് സബ്ബ് ഇന്‍സ്‌പെക്ടര്‍ സിബിന്‍, പുതുക്കാട് പൊലിസ് സബ് ഇന്‍സ്‌പെക്ടര്‍ വി.സജീഷ് കുമാര്‍, വരന്തരപ്പിള്ളി പൊലിസ് സബ് ഇന്‍സ്‌പെക്ടര്‍ അന്ന, കൊടകര ജി.എച്ച്.എസ്.എസ് ജനറല്‍ കണ്‍വീനര്‍ സത്യന്‍, വിമല്‍ ജ്യോതി മുപ്ലിയം സ്‌കൂള്‍ പ്രിന്‍സിപ്പല്‍ ആനി ഗ്രേസ്, ആളൂര്‍ സ്‌കൂള്‍ പി.ടി.എ പ്രസിഡന്റ് എ.കെ സജീവന്‍, നന്തിക്കര സ്‌കൂള്‍ പി.ടി.എ പ്രസിഡന്റ് എം.ആര്‍ ഭാസ്‌ക്കരന്‍, ചെമ്പുച്ചിറ സ്‌കൂള്‍ പി.ടി.എ പ്രസിഡന്റ് സുനില്‍ കുമാര്‍, വിമല്‍ ജ്യോതി മുപ്ലിയം സ്‌കൂള്‍ പി.ടി.എ പ്രസിഡന്റ് പി.സി സുബ്രഹ്മണ്യന്‍ തുടങ്ങിയവര്‍ സംസാരിച്ചു.