ടി-20 ലോകകപ്പിലെ ഇന്ത്യയുടെ രണ്ടാം മത്സരം ഫെബ്രുവരി 12നാണ് നടക്കുന്നത്. നമീബിയയാണ് എതിരാളികൾ. ഈ മത്സരത്തിൽ മലയാളി താരം സഞ്ജു സാംസണ് പ്ലെയിങ് ഇലവനിൽ ഇടം നേടാൻ അവസരം. അഭിഷേക് ശർമക്ക് കടുത്ത പനി നേരിട്ടതോടെയാണ് സഞ്ജുവിന് ഓപ്പണറായി കളത്തിൽ ഇറങ്ങാൻ വഴിതെളിയുന്നത്. ആദ്യ മത്സരത്തിൽ ബാറ്റ് ചെയ്ത ശേഷം അഭിഷേക് ശർമ്മ ഫീൽഡിങ്ങിന് ഇറങ്ങിയിരുന്നില്ല. ആദ്യ മത്സരത്തിൽ റൺസ് ഒന്നും നേടാതെ അഭിഷേക് നിരാശപ്പെടുത്തുകയും ചെയ്തിരുന്നു. താരതമ്യേന ദുർബലരായ നമീബിയക്കെതിരെ അഭിഷേക് ശർമക്ക് വിശ്രമം നൽകാൻ മാനേജ്‌മന്റ് തയ്യാറായാൽ സഞ്ജു പ്ലെയിങ് ഇലവനിൽ ഇടം നേടാനുള്ള സാധ്യതയും നിലനിൽക്കുന്നുണ്ട്. 

ലോകകപ്പിന് മുന്നോടിയായി നടന്ന ന്യൂസിലാൻഡിനെതിരെയുള്ള ടി-20 പരമ്പരയിലെ മോശം പ്രകടനങ്ങൾക്ക് പിന്നാലെയാണ് സഞ്ജു ബെഞ്ചിലായത്. കിവീസിനെതിരെയുള്ള അഞ്ച് ടി-20 മത്സരങ്ങളിൽ നിന്നും വെറും 46 റൺസ് മാത്രമാണ് സഞ്ജുവിന് നേടാൻ സാധിച്ചിരുന്നത്. അഞ്ചു ടി-20 മത്സരങ്ങളുടെ ഒരു പരമ്പരയിൽ ഏറ്റവും കുറവ് റൺസ് നേടുന്ന ഇന്ത്യൻ ഓപ്പണറായും സഞ്ജു ഇതോടെ വീണ്ടും മാറി. 2025ൽ ഇംഗ്ലണ്ടിനെതിരെയുള്ള പരമ്പരയിൽ സഞ്ജു 51 റൺസ് നേടിയിരുന്നു. ഇതിനേക്കാൾ മോശം പ്രകടനമാണ് സഞ്ജു ഈ പരമ്പരയിൽ കാഴ്ചവെച്ചത്. 

ചരിത്രത്തിൽ ഇത് മൂന്നാം തവണയാണ് അഞ്ചു ടി-20 മത്സരങ്ങളുടെ പരമ്പരയിൽ 100 റൺസിൽ താഴെ ഇന്ത്യൻ ഓപ്പണർമാർ നേടുന്നത്. ഇതിൽ രണ്ടിലും സഞ്ജുവാണുള്ളത്. 2022ൽ ചെന്നൈ സൂപ്പർ കിങ്‌സ് നായകൻ റിതുരാജ് ഗെയ്ക്‌വാദ് 2022ൽ സൗത്ത് ആഫ്രിക്കക്കെതിരെ 96 റൺസും നേടിയിരുന്നു. ഇതേ പരമ്പരയിൽ തന്നെ ഇഷാൻ കിഷൻ മിന്നും ഫോമിൽ കളിച്ചതും സഞ്ജുവിന് തിരിച്ചടിയായി. ആദ്യ മത്സരത്തിൽ ഓപ്പൺ ആയി സഞ്ജുവിന് പകരം ഇഷാൻ ആയിരുന്നു കളത്തിൽ ഇറങ്ങിയിരുന്നത്. 

അതേസമയം ടി20 ലോകകപ്പിലെ ആദ്യ മത്സരത്തിൽ അമേരിക്കയെ 29 റൺസിനാണ് ഇന്ത്യ വീഴ്ത്തിയത്. മുംബൈ വാങ്കഡെ സ്റ്റേഡിയത്തിൽ നടന്ന മത്സരത്തിൽ ടോസ് നഷ്ടപ്പെട്ട് ആദ്യം ബാറ്റിംഗിനിറങ്ങിയ ഇന്ത്യ 20 ഓവറിൽ 9 വിക്കറ്റ് നഷ്ടത്തിൽ 161 റൺസാണ് നേടിയത്. വിജയലക്ഷ്യം പിന്തുടർന്ന അമേരിക്ക 132 റൺസിന്‌ പുറത്തായി.

India's second match in the T20 World Cup will be played on February 12. The opponents are Namibia. In this match, Malayali star Sanju Samson has a chance to make a place in the playing eleven. Sanju is opening the field after Abhishek Sharma suffered from a high fever. If the management is willing to rest Abhishek Sharma against a relatively weak Namibia, there is a possibility that Sanju will make a place in the playing eleven.