വയനാട്: മുണ്ടക്കൈ- ചൂരല്‍മല ദുരിതബാധിതര്‍ക്ക് കോണ്‍ഗ്രസ് നിര്‍മ്മിച്ച് നല്‍കുന്ന വീടുകളുടെ തറക്കല്ലിടല്‍ ഈ മാസം തന്നെയെന്ന് പ്രതിപക്ഷ നേതാവ് വി.ഡി.സതീശന്‍. പാര്‍ലമെന്റ്് സമ്മേളനത്തിന് ശേഷം ഈ മാസം തന്നെ തറക്കല്ലിടല്‍ നടത്തുമെന്ന് അദ്ദേഹം വ്യക്തമാക്കി. അടുത്തുള്ള ഭൂമിയുടെ രജിസ്ട്രേഷന്‍ കൂടി പൂര്‍ത്തിയാക്കേണ്ടതുണ്ടെന്നും അദ്ദേഹം കൂട്ടിച്ചേര്‍ത്തു.

റോഡിന് സമീപത്തുള്ള റസിഡന്‍ഷ്യല്‍ ഏരിയയിലാണ് സ്ഥലം കണ്ടെത്തിയിട്ടുള്ളത്.  പ്രധാന റോഡില്‍ നിന്ന് 200 മീറ്റര്‍ അകലെയാണ് കണ്ടെത്തിയ ഭൂമി. ഇത് കൃത്യമായി വഴിയുള്ള പ്രദേശമാണെന്നും കോണ്‍ഗ്രസ് കണ്ടെത്തിയ സ്ഥലത്തിനെതിരെ നടക്കുന്നത് വ്യാജ പ്രചരണമാണെന്നും വി.ഡി സതീശന്‍ പറഞ്ഞു. വീട് നിര്‍മ്മാണത്തിന് സര്‍ക്കാര്‍ സ്ഥലം തരുമെന്നാണ് ആദ്യം കരുതിയത്. ലഭിക്കില്ലെന്ന് അറിഞ്ഞതോടെയാണ് സ്വന്തമായി ഭൂമി കണ്ടെത്താന്‍ ആരംഭിച്ചത്. പത്തിലേറെ സ്ഥലങ്ങള്‍ കണ്ടു. സൂക്ഷമ പരിശോധനക്ക് ശേഷമാണ് സ്ഥലം വാങ്ങിയതെന്നും അദ്ദേഹം കൂട്ടിച്ചേര്‍ത്തു.

ALSO READ: ആഗോള അയ്യപ്പ സംഗമം: ദേവസ്വം ബോര്‍ഡിന് 3.4 കോടിയുടെ നഷ്ടമുണ്ടാക്കിയെന്ന് ഓഡിറ്റ് റിപ്പോര്‍ട്ട്, നഷ്ടം 3.4 കോടി; എസ്.ഐ.ടി അന്വേഷണം 

മുസ്‌ലിം ലീഗ് പ്രഖ്യാപിച്ച 52 വീടുകള്‍ 28 ന് കൈമാറുന്നുണ്ട്. ലീഗിന്റെ നിര്‍മ്മാണ ചുമതല വഹിച്ച സ്ഥാപനം തന്നെയാണ് കോണ്‍ഗ്രസ് പ്രഖ്യാപിച്ച വീടുകളുടേയും നിര്‍മ്മാണ ചുമതല വഹിക്കുന്നതെന്നും അദ്ദേഹം അറിയിച്ചു. ഭവന പദ്ധതിക്കായി ലീഗ് കണ്ടെത്തിയ സ്ഥലത്തിനെതിരെ പ്രതിഷേധിച്ചവരാണ് സി.പി.എം. നടക്കുന്ന പ്രചരണങ്ങള്‍ അടിസ്ഥാനരഹിതമാണ്. കോടി കണക്കിന് രൂപ അക്കൗണ്ടിലിട്ട് സര്‍ക്കാര്‍ ദുരന്ത ബാധിതര്‍ക്ക് ഒന്നും ചെയ്തു കൊടുക്കുന്നില്ല. സര്‍ക്കാറിന്റെ വീടുകള്‍ ഇനിയും ആയിട്ടില്ലെന്നും അദ്ദേഹം ചൂണ്ടിക്കാട്ടി.  

opposition leader v d satheesan says foundation stone for houses built by congress for mundakkai and chooralmalai disaster victims in wayanad will be laid this month after land registration is completed.