കൊളംബോ: ടി20 ലോകകപ്പിൽ പാകിസ്ഥാൻ രണ്ടാം റൗണ്ടിലേക്ക് നീങ്ങുമ്പോൾ ക്രിക്കറ്റ് ലോകത്തെ ചൂടുപിടിപ്പിക്കുന്നത് ഒരു യുവ സ്പിന്നറുടെ ബൗളിംഗ് ആക്ഷനാണ്. സൈഡ്-ആം ശൈലിയിൽ പന്തെറിയുന്ന ഉസ്മാൻ താരിഖിന്റെ ആക്ഷൻ നിയമവിരുദ്ധമാണെന്ന ആരോപണവുമായി മുൻ ഇന്ത്യൻ താരം ശ്രീവത്സ് ഗോസ്വാമി ഉൾപ്പെടെയുള്ളവർ രംഗത്തെത്തിയിട്ടുണ്ട്. എന്നാൽ താരിഖിനെ പിന്തുണച്ച് ആർ. അശ്വിൻ ഉൾപ്പെടെയുള്ള പ്രമുഖരും എത്തിയിട്ടുണ്ട്.

എന്താണ് താരിഖിന്റെ ആക്ഷനിലെ പ്രത്യേകത?

മലിംഗ സ്‌റ്റൈൽ: ലസിത് മലിംഗയെ ഓർമ്മിപ്പിക്കുന്ന സൈഡ്-ആം ആക്ഷൻ.

ലോഡിംഗ് പോസ് (Pause): റൺ-അപ്പിനിടെ പന്ത് എറിയുന്നതിന് തൊട്ടുമുമ്പ് താരം ഒരു നിമിഷം നിശ്ചലനാകുന്നു. ഇത് ബാറ്റർമാരുടെ ഏകാഗ്രത തെറ്റിക്കുന്നു എന്നാണ് പ്രധാന വിമർശനം.

വളഞ്ഞ കൈകൾ: പന്ത് റിലീസ് ചെയ്യുമ്പോൾ താരിഖിന്റെ കൈകൾ പൂർണ്ണമായും നിവർന്നിരിക്കുന്നില്ല എന്നത് 'ചക്കിംഗ്' (Chucking) ആരോപണങ്ങൾക്ക് കാരണമാകുന്നു.

'ഡബിൾ ജോയിന്റഡ് എൽബോ': താരിഖിന്റെ വിശദീകരണം

തന്റെ ആക്ഷൻ നിയമവിരുദ്ധമല്ലെന്ന് താരിഖ് പലതവണ വ്യക്തമാക്കിയിട്ടുണ്ട്. "എനിക്ക് രണ്ട് കൈമുട്ടുകളുണ്ട് (Double-jointed). ഇത് ജന്മനായുള്ള ശാരീരിക പ്രത്യേകതയാണ്. വൈദ്യശാസ്ത്രപരമായി കൈകൾ പൂർണ്ണമായി നിവർത്താൻ എനിക്ക് കഴിയില്ല. മുത്തയ്യ മുരളീധരനെപ്പോലെ എനിക്കും ശാസ്ത്രീയ പരിശോധനകൾ നടത്തി ഐസിസി ക്ലീൻ ചിറ്റ് നൽകിയിട്ടുള്ളതാണ്," താരിഖ് പറയുന്നു.

ഐസിസി നിയമവും പരിശോധനയും:

പന്ത് എറിയുമ്പോൾ കൈമുട്ട് 15 ഡിഗ്രിയിൽ കൂടുതൽ മടങ്ങാൻ പാടില്ല എന്നാണ് ഐസിസി നിയമം.

പാകിസ്ഥാൻ സൂപ്പർ ലീഗിലും (PSL) അന്താരാഷ്ട്ര തലത്തിലും പലതവണ താരിഖിന്റെ ആക്ഷൻ റിപ്പോർട്ട് ചെയ്യപ്പെട്ടെങ്കിലും പരിശോധനകളിൽ താരം സുരക്ഷിതനാണെന്ന് കണ്ടെത്തുകയായിരുന്നു.താരം ക്രീസിൽ നിൽക്കുന്നത് പാലിക്കുന്നത് നിയമവിരുദ്ധമാണെന്ന് ഐസിസി ചട്ടങ്ങളിൽ എവിടെയും പറയുന്നില്ല.

കരിയറും റെക്കോർഡും:

ടെന്നീസ് ബോൾ ക്രിക്കറ്റിൽ ഫാസ്റ്റ് ബൗളറായി തുടങ്ങിയ താരിഖ്, പിന്നീട് കോച്ചിന്റെ നിർദ്ദേശപ്രകാരമാണ് സ്പിന്നറായത്. നിലവിൽ 5.63 എന്ന മികച്ച ഇക്കോണമി റേറ്റിൽ പന്തെറിയുന്ന താരം ലോകകപ്പിൽ പാകിസ്ഥാന്റെ തുറുപ്പുചീട്ടാണ്. ഓസ്‌ട്രേലിയൻ താരം കാമറൂൺ ഗ്രീൻ ഉൾപ്പെടെയുള്ളവർ നേരത്തെ താരിഖിനെ പരിഹസിച്ചിരുന്നെങ്കിലും പിന്നീട് മാപ്പ് പറഞ്ഞിരുന്നു.