കല്‍പ്പറ്റ: കേന്ദ്രസര്‍ക്കാറിന്റെ തൊഴില്‍നയങ്ങള്‍ക്കെതിരെ സംയുക്ത തൊഴിലാളിസംഘടനകള്‍ പ്രഖ്യാപിച്ച പണിമുടക്ക് 12 മണിക്കൂറാവുമ്പോള്‍ കേരളത്തില്‍ ബന്ദിന്റെ പ്രതീതിയാണ്. കെ.എസ്.ആര്‍.ടി.സി ഉള്‍പെടെ സംസ്ഥാനത്ത് സര്‍വിസുകള്‍ നടത്തുില്ല.  ഒട്ടോ-ടാക്‌സികളും നിരത്തിലിറങ്ങിയിട്ടില്ല. ചിലയിടങ്ങളില്‍ ഊബര്‍ ടാക്‌സികള്‍ ഉണ്ടെന്ന് റിപ്പോര്‍ട്ടുണ്ടെങ്കിലും പലയിടത്തും തടയുന്നതായാണ് റിപ്പോര്‍ട്ട്. വയനാടും പാലക്കാട്ടും സമരാനുകൂലികള്‍ വാഹനങ്ങള്‍ തടയുന്നുണ്ട്. 

കേരളത്തിലുടനീളം കടകമ്പോളങ്ങള്‍ അടഞ്ഞു കിടക്കുകയാണ്. ചിലയിടത്ത് ജോലിക്കെത്തിയവരും സമരക്കാരും തമ്മില്‍ വാക്കേറ്റമുണ്ടായി. കോഴിക്കോട് പുതിയങ്ങാടി ജി.യു.പി സ്‌കൂളില്‍ അധ്യാപകരെ തടഞ്ഞു. സ്‌കൂള്‍ ഗേറ്റിന് മുന്നില്‍ സി.ഐ.ടി.യു കൊടികുത്തി. 

തിരുവനന്തപുരം, കൊച്ചി, കോഴിക്കോട് എിങ്ങനെ പ്രധാന നഗരങ്ങളില്‍ ബസ് ഗതാഗതം സ്തംഭിച്ചിരിക്കുകയാണ്. കെ.എസ്.ആര്‍.ടി.സി സര്‍വീസ് നടത്തുമെന്ന് സര്‍ക്കാര്‍ പ്രഖ്യാപിച്ചെങ്കിലും പല ഡിപ്പോകളും നിശ്ചലമാണ്. ട്രെയിനുകളിലും മറ്റും യാത്രക്കെത്തിയവര്‍ സ്റ്റേഷനിലെത്താന്‍ ബുദ്ധിമുട്ട് നേരിടുന്നുണ്ട്. അവശ്യ സര്‍വീസുകാരെ കടത്തി വിടുമെന്ന് സമരസമിതി നേരത്തെ അറിയിച്ചിരുന്നു. 

അതിനിടെ പണിമുടക്കിനെ നേരിടാന്‍ സംസ്ഥാന സര്‍ക്കാര്‍ ഡയസ്നോണ്‍ പ്രഖ്യാപിച്ചു. സര്‍ക്കാര്‍ ജീവനക്കാര്‍ ജോലിക്കെത്തണമെന്നാണ് നിര്‍ദേശം. അവധിയെടുക്കുന്നവര്‍ക്ക് ഇന്നത്തെ ശമ്പളം ലഭിക്കില്ലെന്നാണ് ഉത്തരവില്‍ പറയുന്നത്. 

ലേബര്‍ കോഡുകളടക്കം കേന്ദ്ര സര്‍ക്കാരിന്റെ തൊഴിലാളി-കര്‍ഷക വിരുദ്ധ നയങ്ങള്‍ക്കെതിരെ സംയുക്ത ട്രേഡ് യൂനിയനുകള്‍ നടത്തുന്ന 24 മണിക്കൂര്‍ ദേശീയപണിമുടക്കാണ് പുരോഗമിക്കുന്നത്. ബി.ജെ.പിയുടെ തൊഴിലാളി സംഘടനയായ ബി.എം.എസ് ഒഴികെയുള്ളവര്‍ പണിമുടക്കില്‍ പങ്കെടുക്കുന്നുണ്ട്. ആശുപത്രികള്‍, പാല്‍, പത്രം തുടങ്ങിയ അവശ്യ സര്‍വിസുകള്‍ പ്രവര്‍ത്തിക്കും. ഇന്ന് അര്‍ധരാത്രിവരെയാണ് പണിമുടക്ക്. ബുധനാഴ്ച അര്‍ധരാത്രിയോടെ തന്നെ പ്രധാന വ്യവസായ കേന്ദ്രങ്ങളിലും പൊതുമേഖലാ സ്ഥാപനങ്ങളിലും സമരം പ്രകടമായിത്തുടങ്ങി. 

kerala witnesses widespread disruption during the 24-hour national strike called by joint trade unions against central government labour policies, with transport services halted, shops closed, and the state government declaring dies-non.