ആലപ്പുഴ: ആലപ്പുഴ എസ്.ഡി കോളജില്‍ ചോദ്യ പേപ്പര്‍ മാറി നല്‍കിയതിനെ തുടര്‍ന്ന് ഒന്നാം വര്‍ഷ ബിരുദ ഫലം തടഞ്ഞു.  റെഗുലര്‍, സപ്ലിമെന്ററി പരീക്ഷ ചോദ്യ പേപ്പറുകളാണ് പരസ്പരം മാറിയത്. പേപ്പര്‍ മാറിയ സംഭവം പ്രിന്‍സിപ്പലും സമ്മതിച്ചു.

കോഡ് മാറിയപ്പോയതാണ് ചോദ്യ പേപ്പര്‍ മാറാന്‍ കാരണമെന്നാണ് കോളജിന്റെ വിശദീകരണം. സപ്ലിമെന്ററി പരീക്ഷ എഴുതിയ വിദ്യാര്‍ഥികള്‍ക്ക് റഗുലര്‍ പരീക്ഷയുടെ പേപ്പറും, റെഗുലര്‍ പരീക്ഷ എഴുതിയ വിദ്യാര്‍ഥികള്‍ക്ക് സപ്ലിമെന്ററി പേപ്പറുമാണ് മാറി നല്‍കിയത്. സംഭവത്തില്‍ വിദ്യാര്‍ഥികള്‍ പ്രതിഷേധവുമായി രംഗത്തെത്തിയിരുന്നു. 

ALSO READ: ഡി​ഗ്രിക്കാർക്ക് കലക്ടറാവാം; 2026 സിവിൽ സർവീസ് പരീക്ഷകൾക്ക് യുപിഎസ്‌സി അപേക്ഷ ക്ഷണിച്ചു; ആർക്കൊക്കെ അപേക്ഷിക്കാം 

പരീക്ഷ മൂല്യ നിര്‍ണയവും കോളജില്‍ നിന്നുതന്നെയാണ് നടന്നത്. ഇതിനിടെയാണ് ചോദ്യ പേപ്പര്‍ മാറി നല്‍കിയത് അധ്യാപകരുടെ ശ്രദ്ധയില്‍പ്പെടുന്നത്. സാങ്കേതിക പ്രശ്‌നങ്ങളാണ് കാരണമെന്ന വാദമുയര്‍ത്തി സംഭവത്തെ കോളജ് പ്രതിരോധിച്ചെങ്കിലും വിദ്യാര്‍ഥികള്‍ പ്രതിഷേധവുമായെത്തി. എസ്.എഫ്.ഐ പ്രവര്‍ത്തകര്‍ പ്രതിഷേധവുമായെത്തി പ്രിന്‍സിപ്പലിനെ ഉപരോധിച്ചു. ഇതോടെ ചോദ്യ പേപ്പര്‍ മാറി നല്‍കിയെന്ന് കുറ്റസമ്മതം നടത്തി പ്രിന്‍സിപ്പല്‍ രംഗത്തെത്തി. 

അതേസമയം സംഭവത്തില്‍ പ്രതിഷേധം കടുപ്പിക്കുകയാണ് വിദ്യാര്‍ഥികള്‍. കോളജിന്റെ അനാസ്ഥ തങ്ങളുടെ ഒരു വര്‍ഷം നഷ്ടമാക്കിയെന്ന് വിദ്യാര്‍ഥികള്‍ പരഞ്ഞു. കാരണക്കാരായ പ്രിന്‍സിപ്പലടക്കമുള്ള കോളജ് അധികൃതര്‍ക്കെതിരെ നടപടിയെടുക്കണമെന്ന് ആവശ്യപ്പെട്ട് വിദ്യാര്‍ഥികള്‍ പരാതി നല്‍കിയിട്ടുണ്ട്.

the first-year degree results at sd college alappuzha have been withheld after question papers were mistakenly interchanged. the regular and supplementary exam question papers were swapped, and the principal has admitted the error.