വിരാജ്‌പേട്ട: രണ്ട് കന്നുകാലികളുമായി പോകുന്ന വാഹനംതടഞ്ഞ് വെടിവച്ചു. അക്രമത്തില്‍ പരുക്കേറ്റ യുവാവിനെ  മംഗളൂരൂ സ്വകാര്യ ആശുപത്രിയില്‍ പ്രവേശിപ്പിച്ചു. കൊണ്ടങ്കേരി സ്വദേശി അബ്ദുസലാമിനെയാണ് ഇരുപതോളം വരുന്നസംഘം വഴിയില്‍ തടഞ്ഞുവച്ച് വെടിവച്ചത്.
കൊണ്ടങ്കേരി സ്വദേശിയായ വി.വി.ബഷീര്‍ തന്റെ  പാടത്ത് കന്നുകൂട്ടാന്‍ വേണ്ടി  കഗ്ഗോട് ഗ്രാമത്തിലെ ഗണപതിയില്‍ നിന്നു വിലകൊടുത്തുവാങ്ങിയതാണിവ.
കാലികളുമായി അബ്ദുസലാം തന്റെ പിക്കപ്പ് വാഹനത്തില്‍ കൊണ്ടങ്കേരിയിലേക്കു പോകുംവഴിയല്‍ കഗ്ഗോടിലെ കുമാറും സംഘവും ഓമ്‌നി വാന്‍ തടഞ്ഞ് അക്രമിക്കുകയായിരുന്നു. കൂട്ടത്തിലുള്ള വിട്ട്‌ല എന്നയാള്‍ സലാമിനെ ഉന്നംവച്ച വെടി വാഹനത്തില്‍ പതിക്കുകയായിരുന്നു.
സംഘത്തിലുണ്ടായിരുന്ന ആറുപേര്‍ക്കെതിരേ മടിക്കേരി പൊലിസ്‌കേസടുത്തു.