മസ്‌കത്ത് : ഒമാൻ  എൽ.എൻ.ജിയും ഒമാൻ എനർജി അസോസിയേഷൻ ഓപാലിയും ചേർന്ന് ദേശീയ കഴിവുകൾ വികസിപ്പിക്കുകയും ഊർജമേഖലയിലെ ഒമാനൈസേഷൻ ശക്തിപ്പെടുത്തുകയും ചെയ്യുന്നതിനായി തന്ത്രപരമായ സഹകരണ പദ്ധതി ഒപ്പുവച്ചു. പരിശീലനവും തൊഴിൽ അവസരങ്ങളും തമ്മിലുള്ള ബന്ധം മെച്ചപ്പെടുത്തുക, പ്രാദേശിക മൂല്യവർധന ഉയർത്തുക എന്നിവയാണ് പദ്ധതിയുടെ പ്രധാന ലക്ഷ്യങ്ങൾ.

തൊഴിൽ വിപണിയുടെ ആവശ്യകതകളുമായി തൊഴിൽപരമായ പരിശീലനത്തെ പൊരുത്തപ്പെടുത്തുന്നതിനുള്ള ശ്രമങ്ങളുടെ ഭാഗമായി മിനിസ്ട്രി  ഓഫ്  ലേബർ  ഒമാനിന്റെ  പിന്തുണയോടെയാണ് പദ്ധതി നടപ്പാക്കുന്നത്. പ്രധാന മേഖലകളിൽ സ്വദേശികളായ ജീവനക്കാരെ കൂടുതൽ ഉൾപ്പെടുത്തുകയും കരാർ അടിസ്ഥാനത്തിലുള്ള പ്രവർത്തനങ്ങളിലും സ്വദേശിവൽക്കരണം വർധിപ്പിക്കുകയും ചെയ്യുകയാണ് ലക്ഷ്യം.
ഊർജമേഖലയിലെ നിർണായക സ്ഥാനങ്ങളിലേക്ക് ഒമാനി യുവാക്കളെ പരിശീലിപ്പിച്ച് സ്ഥിരതയുള്ള തൊഴിൽ പാതകൾ സൃഷ്ടിക്കാനാണ് ഈ നീക്കം.

രാജ്യത്തിന്റെ ഊർജമേഖലയിലെ തൊഴിൽവികസനത്തിന് ദീർഘകാല സാമ്പത്തിക മൂല്യം സൃഷ്ടിക്കാനും യോഗ്യരായ പ്രൊഫഷണലുകളെ വളർത്താനും പദ്ധതി സഹായിക്കുമെന്ന് അധികൃതർ വ്യക്തമാക്കി. നിലവിൽ ഒമാൻ എൽ.എൻ.ജിയുടെ തൊഴിലാളി വിഭാഗത്തിൽ 90 ശതമാനത്തിലധികം ഒമാനൈസേഷൻ കൈവരിച്ചിട്ടുണ്ടെന്നും നേരിട്ടുള്ള കരാറുകളിലും സ്വദേശിവൽക്കരണം കൂടുതൽ വർധിപ്പിക്കുന്ന ദിശയിലാണെന്നും കമ്പനി അറിയിച്ചു.

കൂടാതെ സുരക്ഷാ മാനദണ്ഡങ്ങളും പ്രവർത്തനക്ഷമതയും നിലനിർത്തിക്കൊണ്ട് കൂടുതൽ തൊഴിൽ അവസരങ്ങൾ സൃഷ്ടിക്കുമെന്ന് കമ്പനി വ്യക്തമാക്കി. 

Oman LNG has signed a strategic cooperation program with the Oman Energy Association (OPAL) to strengthen Omanisation in the energy sector by developing national skills, expanding training opportunities, and supporting long-term employment pathways. The initiative, backed by the Ministry of Labor, focuses on aligning workforce development with market needs and increasing local value addition. The program includes long-term competency development plans and aims to prepare Omani talent for key industry roles while maintaining safety and operational standards.