തിരുവനന്തപുരം: കുടുംബത്തോടൊപ്പം മാളിലെത്തിയ പൊലിസുകാരനെ എസ്എഫ്ഐ പ്രവർത്തകർ മർദിച്ചതായി പരാതി. എആർ ക്യാമ്പിലെ പൊലിസുകാരൻ മിഥുൻ റോയിക്കാണ് മർദനമേറ്റത്. സംഭവത്തിൽ തിരിച്ചറിയാവുന്ന എസ്എഫ്ഐ പ്രവർത്തകർക്കെതിരെ വഞ്ചിയൂർ പൊലിസ് കേസെടുത്തു.

ALSO READ: കോഴിക്കോട് നഗരമധ്യത്തിൽ പൊലിസിന് നേരെ ആക്രമണം: ടൗൺ എസ്.ഐയെ പിന്നിൽ നിന്ന് കുത്തി വീഴ്ത്തി; പ്രതി പിടിയിൽ

പുതുവത്സര രാത്രിയിൽ ശംഖുമുഖത്ത് നടന്ന സംഘർഷത്തിന്റെ തുടർച്ചയാണ് ഈ ആക്രമണമെന്നാണ് പ്രാഥമിക നിഗമനം. അന്നേദിവസം സമയപരിധി കഴിഞ്ഞിട്ടും ഡിജെ പാർട്ടി നടത്തിയതിനെ ചൊല്ലി എസ്എഫ്ഐ പ്രവർത്തകരും പൊലിസും തമ്മിൽ സംഘർഷമുണ്ടായിരുന്നു.

ALSO READ: തിരുവനന്തപുരത്ത് വയോധികയെ തലയ്ക്കടിച്ച് വീഴ്ത്തി സ്വർണ്ണം കവർന്ന സംഭവം: അയൽവാസിയടക്കം നാല് പേർ അറസ്റ്റിൽ

ഈ സംഘർഷത്തിൽ എസ്എഫ്ഐക്കാരെ നേരിട്ട പൊലിസ് സംഘത്തിൽ മിഥുൻ റോയിയും ഉൾപ്പെട്ടിരുന്നു. ഇതിലുള്ള പ്രതികാരമായാണ് മാളിൽ വെച്ച് മർദനം നടന്നതെന്ന് പരാതിയിൽ പറയുന്നു. മിഥുൻ റോയിയെ മാളിൽ വച്ച് എസ്എഫ്ഐ പ്രവർത്തകർ ആക്രമിക്കുന്ന ദൃശ്യങ്ങൾ പുറത്ത് വന്നു. തന്റെ ഔദ്യോഗിക കൃത്യനിർവഹണത്തിന്റെ പേരിൽ വ്യക്തിപരമായ ആക്രമണം ഉണ്ടായ സാഹചര്യത്തിൽ, കുറ്റവാളികളെ എത്രയും വേഗം പിടികൂടണമെന്ന ആവശ്യത്തിലാണ് മിഥുൻ റോയിയും കുടുംബവും. സംഭവത്തിൽ വഞ്ചിയൂർ പൊലിസ് കേസെടുത്ത് അന്വേഷണം ആരംഭിച്ചു.

A police officer attached to the AR Camp, identified as Mithun Roy, was allegedly attacked by a group of SFI workers at a shopping mall in Thiruvananthapuram. The incident occurred while the officer was visiting the mall with his family.