തിരുവനന്തപുരം: തുടര്‍ച്ചയായി മത്സരിച്ചവരെ വരാനിരിക്കുന്ന നിയമസഭാ തെരഞ്ഞെടുപ്പില്‍ നിന്ന് മാറ്റി നിര്‍ത്തണമെന്ന് കെപിസിസി ജനറല്‍ സെക്രട്ടറി അബ്ദുല്‍ മുത്തലിബ്. കെപിസിസി എക്‌സിക്യൂട്ടീവിലാണ് ആവശ്യമുയര്‍ന്നത്. 

ഇതിന് മറുപടിയായി വിജയ സാധ്യതയാണ് പ്രധാനമെന്ന് കെ.സി വേണുഗോപാല്‍ പറഞ്ഞു. മത്സരിച്ച് തോല്‍ക്കുന്നവര്‍ ബോര്‍ഡ് കോര്‍പ്പറേഷന്‍ സ്ഥാനങ്ങളില്‍ അവകാശവാദം ഉന്നയിക്കേണ്ടെന്നും വിമത ശല്യം ഉണ്ടാകാതെ ശ്രദ്ധിക്കണമെന്നും കെ.സി വേണുഗോപാല്‍ പറഞ്ഞു.

ALSO READ: തിരുവനന്തപുരം ഐസറില്‍ സ്ഥിര ജോലി നേടാം; ഡിഗ്രിക്കാര്‍ മികച്ച അവസരം; അപേക്ഷ ഫെബ്രുവരി 25 വരെ 

വരാനിരിക്കുന്ന നിയമസഭാ തെരഞ്ഞെടുപ്പിൽ സ്ഥാനാർഥികളാകാൻ തയ്യാറെടുക്കുന്നവർക്ക് കടുത്ത മുന്നറിയിപ്പുമായി എഐസിസി ജനറൽ സെക്രട്ടറി കെ.സി. വേണുഗോപാൽ എം.പി. തെരഞ്ഞെടുപ്പിൽ മത്സരിച്ച് പരാജയപ്പെടുന്നവരെ പിന്നീട് മറ്റ് പദവികളിലേക്ക് പരിഗണിക്കില്ലെന്ന് അദ്ദേഹം വ്യക്തമാക്കി. തിരുവനന്തപുരത്ത് നടന്ന പ്രചാരണ സമിതി യോഗത്തിലാണ് പാർട്ടി നേതാക്കൾക്കും പ്രവർത്തകർക്കും അദ്ദേഹം കൃത്യമായ നിർദ്ദേശം നൽകിയത്.

പ്രധാന നിർദ്ദേശങ്ങൾ

ജനവിധി തേടി പരാജയപ്പെടുന്നവർക്ക് സംഘടനയിലോ മറ്റ് സർക്കാർ സംവിധാനങ്ങളിലോ പദവികൾ നൽകുന്ന പതിവ് ഇനി ഉണ്ടാകില്ല.

പാർട്ടിയറിയാതെ സ്വയം സ്ഥാനാർത്ഥിത്വം പ്രഖ്യാപിക്കുന്നവർക്ക് സീറ്റ് നൽകില്ലെന്ന് മാത്രമല്ല, അവർക്കെതിരെ കർശനമായ അച്ചടക്ക നടപടി സ്വീകരിക്കും.

ALSO READ: കൊച്ചിയിൽ കെഎസ്ആർടിസി ബസ്സിൽ യുവതിക്ക് നേരെ ലൈംഗികാതിക്രമം; യുവാവ് അറസ്റ്റിൽ

കഴിഞ്ഞ തെരഞ്ഞെടുപ്പുകളിൽ അർഹതയുണ്ടായിട്ടും മാറിനിന്നവർക്കും പാർട്ടിക്ക് വേണ്ടി വിട്ടുവീഴ്ച ചെയ്തവർക്കും ഇത്തവണ മുൻഗണന നൽകും.

സ്ഥാനാർഥി ആരായാലും അവരെ വിജയിപ്പിക്കുക എന്നത് ഓരോ പാർട്ടി പ്രവർത്തകന്റെയും ഉത്തരവാദിത്തമാണെന്നും അദ്ദേഹം ഓർമ്മിപ്പിച്ചു.

തെരഞ്ഞെടുപ്പിന് മുന്നോടിയായി പാർട്ടിയിൽ അച്ചടക്കം ഉറപ്പാക്കാനും ഗ്രൂപ്പ് വ്യത്യാസമില്ലാതെ എല്ലാവരെയും ഒരുമിച്ച് കൊണ്ടുപോകാനുമാണ് ഹൈക്കമാൻഡ് ലക്ഷ്യമിടുന്നത്. സ്ഥാനാർഥി നിർണ്ണയത്തിൽ അനാവശ്യ സമ്മർദ്ദങ്ങൾ ഒഴിവാക്കാനുള്ള നീക്കമായാണ് രാഷ്ട്രീയ നിരീക്ഷകർ കെ.സി. വേണുഗോപാലിന്റെ ഈ പ്രസ്താവനയെ കാണുന്നത്.

kpcc general secretary abdul muthalib has said that candidates who have contested consecutively should be barred from the upcoming legislative assembly election. the matter was raised in the kpcc executive meeting.