ഉമ്മുൽഖുവൈൻ: ഉമ്മുൽ ഖുവൈനിലെ സർക്കാർ ജീവനക്കാർക്ക് റമദാനിൽ പ്രതിവാരം നാല് പ്രവൃത്തി ദിനങ്ങൾ. യു.എ.ഇ സുപ്രിംകൗൺസിൽ അംഗവും ഉമ്മുൽഖുവൈൻ ഭരണാധികാരിയുമായ ശൈഖ് സഊദ് ബിൻ റാഷിദ് അൽ മുഅല്ലയുടെ നിർദേശ പ്രകാരം അമീരി കോർട്ട് ആണ് ഉമ്മുൽഖുവൈനിലെ സർക്കാർ ജീവനക്കാരുടെ റമദാനിലെ ഔദ്യോഗിക ജോലി സമയം നിശ്ചയിച്ച് സർക്കുലർ ഇറക്കിയത്.

ഇതനുസരിച്ച്, റമദാൻ കാലയളവിൽ തിങ്കൾ മുതൽ വ്യാഴം വരെ പ്രവൃത്തി ദിനങ്ങളാകുമെന്നും വെള്ളി മുതൽ ഞായർ വരെ വാരാന്ത്യ അവധിയായിരിക്കുമെന്നും സർക്കുലറിൽ പറഞ്ഞു. എല്ലാ തദ്ദേശഭരണ സ്ഥാപനങ്ങളുടെയും ഔദ്യോഗിക പ്രവൃത്തി സമയം രാവിലെ 9 മുതൽ ഉച്ച 2.30 വരെയായിരിക്കുമെന്നും സർക്കുലർ വ്യക്തമാക്കി.

Summary : Government employees in Umm Al Quwain will get three-day weekend during the holy month of Ramadan, according to an official circular issued by Amiri diwan.