തിരുവനന്തപുരം: ബലാത്സംഗക്കേസില്‍ രാഹുല്‍ മാങ്കൂട്ടത്തില്‍ എം.എല്‍.എയെ പ്രത്യേക അന്വേഷണസംഘം ഇന്ന് വീണ്ടും ചോദ്യം ചെയ്യും. യുവതിയെ പീഡിപ്പിച്ചെന്ന് പറയുന്ന തിരുവനന്തപുരത്തെ ഫ്‌ളാറ്റില്‍ രാഹുലിനെ എത്തിച്ച് തെളിവെടുപ്പ് നടത്തിയേക്കും. രാഹുലിന്റെ ഫോണ്‍ ശാസ്ത്രീയ പരിശോധനക്ക് അയച്ചേക്കുമെന്നും സൂചനയുണ്ട്.

ഫോണ്‍ പരിശോധനക്ക് വിധേയമാക്കിയാല്‍ കൂടുതല്‍ തെളിവുകള്‍ ലഭിക്കുമെന്നാണ് അന്വേഷണ സംഘത്തിന്റെ കണക്കുകൂട്ടല്‍. ഇന്നലെ രാഹുലിനെ ആറ് മണിക്കൂര്‍ ചോദ്യം ചെയ്തിരുന്നു.  രാഹുലിനെതിരെ രജിസ്റ്റര്‍ ചെയ്ത ആദ്യ കേസില്‍ ഹൈക്കോടതി മുന്‍കൂര്‍ ജാമ്യം അനുവദിച്ചിരുന്നു. മൂന്ന് ദിവസത്തേക്ക് അന്വേഷണ സംഘത്തിന് മുന്നില്‍ ചോദ്യം ചെയ്യലിനായി ഹാജരാകണമെന്ന് ജാമ്യം നല്‍കിയപ്പോള്‍ ഹൈക്കോടതി രാഹുലിന് നിര്‍ദേശം നല്‍കിയിരുന്നത്. 

ALSO READ: സംസ്ഥാനത്തെ മൂന്ന് ക്ഷേമനിധികളിലായി വിതരണം ചെയ്യാനുള്ളത് 500 കോടി
രാഹുലിനെതിരെ രജിസ്റ്റര്‍ ചെയ്ത മറ്റു രണ്ടു ബലാത്സംഗ കേസുകളില്‍ നേരത്തെ തന്നെ കോടതി ജാമ്യം അനുവദിച്ചിരുന്നു.

രാഹുലിനെ ലൈംഗികശേഷി പരിശോധനക്ക് വിധേയനാക്കുന്നതിന് കോടതി അനുമതി നല്‍കിയിരുന്നു. വൈകാതെ രാഹുലിന്റെ മെഡിക്കല്‍ പരിശോധന നടത്തും. 

rahul mankootathil faces fresh questioning by the special investigation team in thiruvananthapuram rape case.