തിരുവനന്തപുരം: നിയമസഭാ തെരഞ്ഞെടുപ്പില്‍ സ്ഥാനാര്‍ഥി സാധ്യത പട്ടികയുമായി ബി.ജെ.പി. 30 സീറ്റിലാണ് നിലവിലെ സാധ്യത പട്ടിക. 

നേമത്ത് ബിജെപി സംസ്ഥാന അധ്യക്ഷന്‍ രാജീവ് ചന്ദ്ര ശേഖറും, കഴക്കൂട്ടത്ത് വി മുരളീധരനും മത്സരിക്കും. മഞ്ചേശ്വരം മണ്ഡലത്തില്‍ കെ സുരേന്ദ്രന്‍, പാലക്കാട്- കായംകുളം സീറ്റുകളില്‍ ശോഭ സുരേന്ദ്രന്റെ പേരും പരിഗണനയിലുണ്ട്. 

ALSO READ: കാസര്‍കോട് ജില്ലയിലെ മുസ്‌ലിം വോട്ടുകള്‍ തള്ളിക്കുമെന്ന ഭീഷണിയുമായി ബി.ജെ.പി ജില്ലാ പ്രസിഡന്റ്; ഫോം 7 ഉപയോഗിക്കുമെന്ന് ഭീഷണി

വട്ടിയൂര്‍കാവില്‍ പ്രഥമ പരിഗണന ആര്‍ ശ്രീലേഖയ്ക്കാണ്. മലമ്പുഴയില്‍ സി കൃഷ്ണകുമാറിനെയും പാലയില്‍ ഷോണ്‍ ജോര്‍ജിനെയുമാണ് പരിഗണിക്കുന്നത്.  തിരുവല്ലയില്‍ അനൂപ് ആന്റണിയും മത്സരിക്കും. എം.ടി രമേശിന് കോഴിക്കോടോ തൃശൂരോ നല്‍കാനാണ് സാധ്യത. എന്നാല്‍ മുന്‍ ഗവര്‍ണര്‍ പി.എസ് ശ്രീധരന്‍പിള്ളയുടെ പേര് സ്ഥാനാര്‍ഥി സാധ്യതാ പട്ടികയില്‍ ഇല്ലെന്ന്ത് ശ്രദ്ധേയമാണ്.

അതേസമയം, തെരഞ്ഞെടുപ്പില്‍ മത്സരിക്കാനില്ലെന്നും പകരം പ്രചാരണത്തിന് നേതൃത്വം നല്‍കുമെന്നും പാര്‍ട്ടി ജനറല്‍ സെക്രട്ടറി എസ്. സുരേഷ് അറിയിച്ചു.

ബി.ജെ.പി 90 സീറ്റുകളിലും ഘടകകക്ഷികള്‍ 50 സീറ്റുകളിലും മത്സരിക്കാനാണ് നിലവില്‍ തീരുമാനമായത്. ആലപ്പുഴയില്‍ ബി.ഡി.ജെ.എസിന് കൂടുതല്‍ സീറ്റുകള്‍ അനുവദിക്കാനും തീരുമാനമായി. മത്സരിക്കില്ലെന്ന തുഷാര്‍ വെള്ളാപ്പള്ളിയുടെ തീരുമാനത്തിനും എന്‍.ഡി.എ അംഗീകാരം നല്‍കി.

എറണാകുളത്ത് ട്വന്റി 20ക്ക് കൂടുതല്‍ സീറ്റ് നല്‍കും. ആലുവയിലും തൃപ്പൂണിത്തുറയിലും ബി.ജെ.പിയാണ് മത്സരിക്കുക. സംസ്ഥാനത്ത് 32 സീറ്റുകളാണ് ട്വന്റി 20 ആവശ്യപ്പെട്ടത്. എറണാകുളത്ത് കൊച്ചി, വൈപ്പിന്‍, കുന്നത്തുനാട്, തൃക്കാക്കര, എറണാകുളം തുടങ്ങി അഞ്ച് മണ്ഡലങ്ങളിലും ട്വന്റി 20 മത്സരിക്കും. എന്നാല്‍ ട്വന്റി 20ക്ക് നല്‍കുന്ന സീറ്റുകളേക്കാള്‍ അഞ്ച് സീറ്റ് കൂടുതല്‍ നല്‍കണമെന്നാണ് ബി.ഡി.ജെ.എസിന്റെ ആവശ്യം.

The Bharatiya Janata Party (BJP) has prepared a probable candidate list for 30 constituencies ahead of the Kerala Assembly elections. State president Rajeev Chandrasekhar is likely to contest from Nemom, while Union Minister V Muraleedharan is expected to contest from Kazhakoottam.