ബെം​ഗളൂരു: ബെംഗളൂരു രാജാജിനഗറിൽ അമിതവേഗത്തിൽ വന്ന ബൈക്കിടിച്ച് എച്ച്ഡിഎഫ്സി ബാങ്ക് ഉദ്യോഗസ്ഥക്ക് ദാരുണാന്ത്യം. ബെംഗളൂരു കെംപഗൗഡ ലേഔട്ടിൽ താമസിക്കുന്ന യോഗേശ്വരി (27) ആണ് മരിച്ചത്. ഇന്ന് ഉച്ചയ്ക്ക് 12.30-ഓടെ ഡോ. രാജ്‌കുമാർ റോഡിലായിരുന്നു അപകടം. 

ബാങ്കിൽ നിന്ന് സുഹൃത്തിനൊപ്പം ഉച്ചഭക്ഷണം കഴിക്കാൻ പോകുകയായിരുന്നു യോഗേശ്വരി. റോഡ് മുറിച്ചുകടക്കുന്നതിനിടെ അമിത വേഗതയിൽ വന്ന ബൈക്ക് യോഗേശ്വരിയെ ഇടിച്ച് തെറിപ്പിക്കുകയായിരുന്നു. 

ALSO READ: ദീര്‍ഘിപ്പിച്ചതല്ല, ഏകീകരിച്ചത്; ബാര്‍ സമയത്തിലെ മാറ്റം ന്യായീകരിച്ച് മന്ത്രി എം.ബി രാജേഷ്

ഇടിയുടെ ആഘാതത്തിൽ ദൂരേക്ക് തെറിച്ചുവീണ യോഗേശ്വരിക്ക് ഗുരുതരമായി പരിക്കേറ്റു. ബൈക്ക് ഓടിച്ചിരുന്ന യുവാവിനും പരുക്കേറ്റിട്ടുണ്ട്.

യുവതിയെ ഉടൻ തന്നെ അടുത്തുള്ള സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. നിലവിൽ മൃതദേഹം ബെ​ഗളൂരു വിക്ടോറിയ ആശുപത്രിയിലേക്ക് മാറ്റിയിരിക്കുകയാണ്. പോസ്റ്റ്‌മോർട്ടം നടപടികൾക്ക് ശേഷം മൃതദേഹം ബന്ധുക്കൾക്ക് വിട്ടുനൽകും.

A 27-year-old HDFC Bank employee, Yogeshwari, was killed after being hit by a speeding motorcycle while crossing Dr. Rajkumar Road in Rajajinagar, Bengaluru, during her lunch break. The bike rider, Deepan, also sustained injuries and is under treatment. Police have registered a case of causing death due to negligence.