ഫറോക്ക്: മണ്ണൂര്‍ വടക്കുമ്പാട് മുസ്‌ലിം ലീഗ് കമ്മിറ്റി കോണത്ത് പരേതനായ എടക്കുത്ത് ഗഫൂറിന്റെ കുടുംബത്തിന് നിര്‍മിച്ച ബൈത്തുറഹ്മ വീടിന്റെ താക്കോല്‍ദാനം കോഴിക്കോട് ഖാസി സയ്യിദ് മുഹമ്മദ് കോയ ജമലുല്ലൈലി തങ്ങള്‍ നിര്‍വഹിച്ചു.
നിര്‍മാണ കമ്മിറ്റി ചെയര്‍മാന്‍ സി.സി ബാവ അധ്യക്ഷനായി. പൊതുസമ്മേളനം മുസ്‌ലിം ലീഗ് സംസ്ഥാന സെക്രട്ടറി എം.സി. മായിന്‍ ഹാജി ഉദ്ഘാടനം ചെയ്തു. ജില്ലാ പ്രസിഡന്റ് ഉമ്മര്‍ പാണ്ടികശാല നിര്‍ധന രോഗികള്‍ക്കുള്ള സഹായം വിതരണം ചെയ്തു.
മഹല്ല് ഖത്തീബ് മുജീബ് റഹ്മാന്‍ ഫൈസി, ലീഗ് പഞ്ചായത്ത് പ്രസിഡന്റ് ടി.പി. ആരിഫ് തങ്ങള്‍, പഞ്ചായത്ത് സ്ഥിരം സമിതി അധ്യക്ഷരായ പിലാക്കാട്ട് ഷണ്‍മുഖന്‍, സിന്ധു പ്രദീപ്, കെ.എം.സി.സി റിയാദ് പ്രതിനിധി സമദ് പെരുമുഖം, എന്‍.കെ ബിച്ചുക്കോയ, അമീര്‍ അഫ്‌സല്‍, കെ. ഹുസൈന്‍, നൗഷാദ്, അനസ് മണ്ണൂര്‍ പ്രസംഗിച്ചു.