കോഴിക്കോട്: എസ്.കെ.എസ്.എസ്.എഫ് ട്രെന്‍ഡ് ജില്ലാ കമ്മിറ്റിയുടെ ആഭിമുഖ്യത്തില്‍ 14, 15 തിയതികളില്‍ അവധിക്കാല ട്രെയിനിങ് ക്യാംപ് നടക്കും. പയ്യോളിക്കടുത്ത് കോട്ടക്കല്‍ ഇലാഹിയ്യ മദ്‌റസാ ഹാളില്‍ നടക്കുന്ന 'ഫോര്‍ ഫ്യൂച്ചര്‍' ക്യാംപ് മുബശിര്‍ ജമലുല്ലൈലി തങ്ങള്‍ ഉദ്ഘാടനം ചെയ്യും.
14ന് റിസോഴ്‌സ് ഗ്രൂപ്പ് പരിശീലനവും 15ന് സ്റ്റുഡന്റ്‌സ് ക്യാംപുമാണു നടക്കുക. ഒ.പി.എം അഷ്‌റഫ്, ഷംഷാദ് സാലിം പുവ്വത്താണി, റഷീദ് കോടിയൂറ, ശംസുദ്ദീന്‍ ഫൈസി അഴിയൂര്‍, എസ്.കെ ബഷീര്‍ മാസ്റ്റര്‍ വിവിധ സെഷനുകള്‍ക്കു നേതൃത്വം നല്‍കും.
യോഗത്തില്‍ അലി മാസ്റ്റര്‍ വാണിമേല്‍ അധ്യക്ഷനായി. ജുനൈദ് കൊയിലാണ്ടി, സുഹൈല്‍ സിറ്റി, സലാം മലയമ്മ, അര്‍ഷാദ് ദാരിമി, റഫീഖ് മാസ്റ്റര്‍ മണിയൂര്‍ സംസാരിച്ചു.