വള്ളിക്കുന്ന്: അപകടത്തില്‍പ്പെടുന്ന രോഗികള്‍ക്ക് അടിയന്തിര സഹായം നല്‍കുകയെന്ന ലക്ഷ്യത്തോടെ എവണ്‍ ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബ് വള്ളിക്കുന്നും കോഴിക്കോട് ജില്ലാ ട്രോമ കെയറും സംയുക്തമായി സംഘടിപ്പിച്ച ട്രോമാകെയര്‍ വളണ്ടിയര്‍ പരിശീലനത്തില്‍ നൂറോളം പേര്‍ പങ്കെടുത്തു.
പി അബ്ദുല്‍ ഹമീദ് മാസ്റ്റര്‍ എം.എല്‍.എ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് വി.എം ശോഭ, വി.പി വിശ്വനാഥ്, ഇ ദാസന്‍, സി.വി രുഗ്മിണി, പട്ടയില്‍ ബാബുരാജന്‍, തിരൂരങ്ങാടി മോട്ടോര്‍ വാഹന വകുപ്പ് ഇന്‍സ്‌പെക്ടര്‍ എം.വി.ഐ അനുമോദ് സംസാരിച്ചു. കോഴിക്കോട് ജില്ല ട്രോമ കെയര്‍ പ്രവര്‍ത്തകര്‍, ബേബി മെമ്മോറിയല്‍ ഹോസ്പിറ്റല്‍ ഡോക്ടര്‍മാര്‍ ക്ലാസുകള്‍ക്ക് നേതൃത്വം നല്‍കി.