തേഞ്ഞിപ്പലം: മേലേചേളാരി അങ്ങാടിയില്‍ കാല്‍നടക്കാര്‍ക്കുള്ള സീബ്രാലൈന്‍ വരച്ചിരിക്കുന്നത് ബസ് സ്റ്റോപ്പിനു മുന്നില്‍. ഇതോടെ റോഡ് മുറിച്ചുകടക്കാന്‍ സീബ്രാലൈന്‍ ഉപയോഗപ്പെടുത്താനാകാതെ പ്രയാസപ്പെടുകയാണ് കാല്‍നട യാത്രക്കാര്‍
മിക്കസമയങ്ങളിലും ബസുകള്‍ സ്‌റ്റോപ്പില്‍ വന്നു നില്‍ക്കുന്നത് കാല്‍നടയാത്രക്കാരുടെ വഴിമുടക്കുകയാണ്. ചെമ്മാട്, പരപ്പനങ്ങാടി, കക്കാട് ഭാഗങ്ങളിലേക്കുള്ള ബസ് വെയ്റ്റിങ് ഷെഡിനോട് ചേര്‍ന്നാണ് സീബ്രാ ലൈന്‍ വരച്ചിട്ടുള്ളത്.
യാത്രക്കാരെ ഇറക്കാനും ബസ് സ്‌റ്റോപ്പില്‍ നിന്നും ആളെ കയറ്റാനും  സീബ്രാലൈനിനു മുകളിലാണ് ബസുകള്‍ നിര്‍ത്തുന്നത്. സീബ്രലൈന്‍ മറ്റെവിടേക്കെങ്കിലും മാറ്റി വരയ്ക്കണമെന്ന ആവശ്യം ശക്തമായിട്ടുണ്ട്.