പരപ്പനങ്ങാടി: പാലത്തിങ്ങല്‍ കൊട്ടത്തലയില്‍ വന്‍ചാരായ വേട്ട. ഇന്നലെ പുലര്‍ച്ചെ എക്‌സൈസ് സംഘം കൊട്ടന്തല, നകര പ്രദേശങ്ങളില്‍ നടത്തിയ റെയ്ഡില്‍ ചാരായവും വാഷും വാറ്റുപകരണങ്ങളും പിടിച്ചെടുത്തു. അഞ്ച് ലിറ്റര്‍ ചാരായവും 80 ലിറ്റര്‍വാഷും വാറ്റുപകരണങ്ങളുമാണ് പിടികൂടിയത്.
കൊട്ടന്തല നകര സ്വദേശി അച്ചമ്പാട്ട് കോരനെതിരേ കേസെടുത്തു. പരപ്പനങ്ങാടി എക്‌സൈസ് സര്‍ക്കിള്‍, റെയ്ഞ്ച് ഓഫിസുകള്‍ സംയുക്തമായി നടത്തിയ റെയ്ഡിന് സര്‍ക്കിള്‍ ഇന്‍സ്‌പെക്ടര്‍ എം രാകേഷ് നേതൃത്വം നല്‍കി.