കല്‍പകഞ്ചേരി: ബലിപെരുന്നാളും ഓണവും ഒരുമിച്ചാഘോഷിക്കുമ്പോള്‍ അതില്‍ ഭിന്നശേഷിക്കാരെയും പങ്ക് ചേര്‍ക്കാന്‍ സ്‌കൗട്ട്‌സ് സംഘം തവനൂര്‍ പ്രതീക്ഷാ ഭവനിലെത്തി. പുതുവസ്ത്രങ്ങളും മധുരവും വിവിധ മിഠായികളും വിതരണം ചെയ്ത് കലാപരിപാടികളുമായി അന്തേവാസികളുമായി സമയം ചെലവഴിച്ചു.
തങ്ങളുടെ സന്തോഷങ്ങളില്‍ അവരേയും പങ്കാളികളാക്കി. കല്‍പകഞ്ചേരി ആസ്ഥാനമായി തുടങ്ങിയ ഫോക്കസ് ഓപ്പണ്‍ സ്‌കൗട്ട്‌സ് ഗ്രൂപ്പിന്റെ നേതൃത്വത്തിലാണ് പ്രതീക്ഷാഭവന്‍ സന്ദര്‍ശിച്ചത്.
നൂറുല്‍ അമീന്‍, ഡോ. ജാസിം അബ്ദുള്ള, കെ സുബൈര്‍, അബ്ദുല്‍ റഊഫ്, എം മനോജ്, പി മുഹമ്മദ് യാസിര്‍ നേതൃത്വം നല്‍കി.