നിലമ്പൂര്‍: ഈ വര്‍ഷത്തെ മാജ കൊയ്‌നെ ഇന്റര്‍നാഷണല്‍ അവാര്‍ഡ് ചിത്രകാരന്‍ മഹേഷ് ചിത്രവര്‍ണത്തിന് ലഭിച്ചു. ലഹരി വിരുദ്ധ പ്രവര്‍ത്തനത്തിനാണ് അവാര്‍ഡ്. 10000 രൂപയും പ്രശസ്തിപത്രവും, ഷാളുമാണ് അവാര്‍ഡ്.
ലഹരിക്കെതിരെ സംസ്ഥാനത്തിനകത്തും പുറത്തുമായി  ആയിരത്തോളം കേന്ദ്രങ്ങളില്‍ ഇതിനോടകം എടവണ്ണ ഒതായി ചാത്തല്ലൂര്‍  സ്വദേശിയായ മഹേഷ് ചിത്രവര്‍ണം ബോധവല്‍ക്കരണ പോസ്റ്ററുകളും ചിത്ര  പ്രദര്‍ശനങ്ങളും നടത്തി ജനശ്രദ്ധ നേടിയിട്ടുണ്ട്.
ഇന്ത്യയില്‍ നിന്നും തെരെഞ്ഞടുക്കപ്പെട്ട 6 പേരില്‍ കേരളത്തില്‍ നിന്നും മഹേഷ് മാത്രമാണ് ഉള്ളത്. ഡിസംബര്‍ നാലിന് മധുരയില്‍ നടക്കുന്ന ചടങ്ങില്‍ അവാര്‍ഡ് സമ്മാനിക്കുമെന്ന് സി.ഇ.സി.ഐ സെക്രട്ടറി ഡോ. പി.വി രാജഗോപാല്‍ അറിയിച്ചു.