അരീക്കോട്: സംസ്ഥാനപാതയിലെ കുഴി ദുരിതമാകുന്നു. മഞ്ചേരി അരീക്കോട് സംസ്ഥാന പാതയില്‍ പുത്തലം പെട്രോള്‍ പമ്പിനടുത്താണു അപകടകെണിയൊരുക്കി കുഴിയുള്ളത്. മഴ പെയ്താല്‍ കുഴി നിറയുന്നതോടെ ഇവിടെ വാഹനങ്ങള്‍ അപകടത്തില്‍ പെടുന്നത് പതിവായിരിക്കുകയാണു.
റോഡിലെ കുഴി മറികടക്കാന്‍ വാഹനങ്ങള്‍ എതിര്‍ ദിശയിലൂടെ ഓടിക്കുന്നതും അപകടത്തിനു കാരണമാകുന്നുണ്ട്. കൊണ്ടോട്ടി റോഡില്‍ നിന്ന് വാഹനങ്ങള്‍ ചെറിയ ഇറക്കം ഇറങ്ങി വന്ന് റോഡിലെ കുഴിയില്‍ അകപ്പെടുന്നതോടെ ഗതാഗത തടസം ഉണ്ടാകാനും കാരണമാകുന്നു.