ടി-20 ക്രിക്കറ്റിൽ പുതിയ നാഴികക്കല്ല് സ്വന്തമാക്കി പാകിസ്ഥാൻ ഓൾ റൗണ്ടർ ഷദാബ് ഖാൻ. ഇന്റർനാഷണൽ ടി-20യിൽ 1000 റൺസും 100+ വിക്കറ്റും നേടുന്ന താരങ്ങളുടെ പട്ടികയിലേക്കാണ് ഷദാബ് ഖാൻ ഇടം നേടിയത്. ഇംഗ്ലണ്ടിനെതിരെയുള്ള മത്സരത്തിൽ 11 പന്തിൽ 23 റൺസ് നേടിയാണ് താരം പുറത്തായത്. ഇതോടെയാണ് താരം കുട്ടി ക്രിക്കറ്റിൽ ആയിരം റൺസ് പൂർത്തിയാക്കിയത്. ഈ നേട്ടം സ്വന്തമാക്കുന്ന ആറാമത്തെ താരമാണ് ഷദാബ് ഖാൻ.

ഷാക്കിബ് അൽ ഹസൻ, മുഹമ്മദ് നബി, വീരൻദീപ് സിംഗ്, ഹർദിക് പാണ്ഡ്യ, സിക്കന്ദർ റാസ എന്നീ താരങ്ങളാണ് ഇതിനുമുമ്പ് ഈ നേട്ടം സ്വന്തമാക്കിയിട്ടുള്ളത്. പാക്കിസ്ഥാന് വേണ്ടി ഇതുവരെ 122 മത്സരങ്ങളിൽ നിന്നും 123 വിക്കറ്റുകൾ ആണ് ഷദാബ് നേടിയിട്ടുള്ളത്. 

അതേസമയം ഇംഗ്ലണ്ടിനെതിരെയുള്ള മത്സരത്തിൽ ആദ്യം ബാറ്റ് ചെയ്ത പാക്കിസ്ഥാൻ 20 ഓവറിൽ 9 വിക്കറ്റ് നഷ്ടത്തിൽ 164 റൺസ് ആണ് നേടിയത്. സാഹിബ്‌സാദ ഫർഹാന്റെ അർദ്ധ സെഞ്ച്വറിയാണ്  പാകിസ്ഥാന് പൊരുതാവുന്ന സ്കോർ സമ്മാനിച്ചത്. 45 പന്തിൽ 63 റൺസ് ആണ് ഫർഹാന്റെ ബാറ്റിൽ നിന്നും പിറന്നത്. ഏഴ് ഫോറുകളും രണ്ട് സിക്സുകളും അടങ്ങുന്നതായിരുന്നു താരത്തിന്റെ പ്രകടനം. ബാബർ അസം, ഫക്കർ സമാൻ എന്നിവർ 25 റൺസ് വീതം നേടി. 

ഇംഗ്ലണ്ടിനായി ലിയാം ഡാവ്സൻ മൂന്ന് വിക്കറ്റും ജോഫ്ര ആർച്ചർ, ജാമി ഓവർട്ടൻ എന്നിവർ രണ്ട് വീതം വിക്കറ്റും നേടി.

Pakistan all-rounder Shadab Khan has achieved a new milestone in T20 cricket. Shadab Khan has entered the list of players who have scored 1000 runs and 100+ wickets in international T20s. The player was dismissed for 23 runs in 11 balls in the match against England. With this, the player completed 1000 runs in cricket. Shadab Khan is the sixth player to achieve this feat.