ദോഹ : ഖത്തറിലെ സാംസ്കാരിക കേന്ദ്രമായ കതാറ കൾച്ചറൽ വില്ലേജിൽ ‘ഹോട്ട് വീൽസ് സ്പീഡ് സിറ്റി’ എന്ന വിനോദ പരിപാടിക്ക് വേദിയാകുകയാണ്. മാർച്ച് അവസാന വാരത്തോടെയാണ് പരിപാടി ആരംഭിക്കുക.നിരവധി  റൈഡുകളും ഇന്ററാക്ടീവ് സോണുകളും ഉൾപ്പെടുത്തി കതാറയെ  ഒരു എന്റെർറ്റൈന്മെന്റ് നഗരമായി മാറ്റുകയാണ് പരിപാടിയുടെ ലക്ഷ്യം. പരിപാടി കതാറ സൗത്ത് പാർക്കിംഗ് മേഖലയിലാണ് നടക്കുക.

ALSO READ: നിയന്ത്രണങ്ങൾ ലംഘിക്കരുത്; ദേശീയദിനത്തിൽ സുരക്ഷ ശക്തമാക്കി കുവൈത്ത് 
റേസിംഗ് സിമുലേറ്ററുകൾ, പ്രത്യേക റേസ് സോണുകൾ, ഇന്ററാക്ടീവ് ഫോട്ടോ അവസരങ്ങൾ എന്നിവ ഉൾപ്പെടെ കുട്ടികളും മുതിർന്നവരും ഒരുപോലെ ആസ്വദിക്കാവുന്ന അനുഭവങ്ങളാണ് ഒരുക്കുന്നത്. കുടുംബങ്ങൾക്കും സ്കൂൾ വിദ്യാർത്ഥികൾക്കും അനുയോജ്യമായ രീതിയിൽ മൾട്ടി-വിസിറ്റ് പാസുകൾ, ഗ്രൂപ്പ് നിരക്കുകൾ, സ്കൂൾ ട്രിപ്പ് പാക്കേജുകൾ എന്നിവയും ലഭ്യമാകും.
ഖത്തറിൽ കുടുംബങ്ങൾക്ക് ഒരുപോലെ ആവേശവും വിനോദവും സമ്മാനിക്കുന്ന വ്യത്യസ്ത അനുഭവമായിരിക്കും ഈ പരിപാടിയെന്ന് സംഘാടകർ അറിയിച്ചു.

Katara Cultural Village in Doha will transform into a multi-sensory entertainment destination as it hosts Hot Wheels Speed City in the last week of March 2026. The event will feature racing simulators, interactive zones, race areas and family-friendly attractions, with special ticket packages available for groups and school trips.