കൊച്ചി: സംസ്ഥാനത്ത് സ്വര്‍ണവിലയില്‍ ഇന്നും വര്‍ധന. നേരിയ വര്‍ധനയാണ് ഇന്ന് രേഖപ്പെടുത്തിയിരിക്കുന്നത്. ഇതോടെ വീണ്ടും ഈ മാസത്തെ ഏറ്റവും ഉയര്‍ന്ന നിരക്ക് എന്ന റെക്കോര്‍ഡില്‍ എത്തിയിരിക്കുകയാണ് പൊന്ന്. ഇന്ന് ഗ്രാമിന് 10 രൂപയും പവന് 80 രൂപയുമാണ് വര്‍ധിച്ചിരിക്കുന്നത്.

ഇന്നത്തെ വില
22 കാരറ്റ് സ്വര്‍ണം ഗ്രാമിന് 10 രൂപ കൂടി 14,840 രൂപയായി. പവന്‍ 80 രൂപ കൂടി 1,18,720 രൂപയിലെത്തി.

24 കാരറ്റ്
ഗ്രാമിന് 11 രൂപ കൂടി 16,189
പവന് 88 രൂപ കൂടി 1,29,512

22 കാരറ്റ്
ഗ്രാമിന് 10 രൂപ കൂടി 14,840 
പവന് 80 രൂപ കൂടി 1,18,720

18 കാരറ്റ്
ഗ്രാമിന് 8 രൂപ കൂടി 12,142
പവന് 64 രൂപ കൂടി 97,136

ആഗോള വിപണിയിലെ വിലയാണ് കേരളത്തിലും സ്വാധീനിക്കുന്നത്. ആഗോള വിപണിയില്‍ സ്വര്‍ണം ട്രോയ് ഔണ്‍സിന് 5181 ഡോളര്‍ എന്ന നിലയിലാണ്. 

കഴിഞ്ഞ ഏതാനും ദിവസങ്ങളായി സ്വര്‍ണവിലയില്‍ വര്‍ധനവാണ് കാണിക്കുന്നത്. യു.എസ്-ഇറാന്‍ സംഘര്‍ഷ സാഹചര്യവും ഡൊണാള്‍ഡ് ട്രംപിന്റെ ഇറക്കുമതി തീരുവ പ്രഖ്യാപനത്തിലെ അനിശ്ചിതാവസ്ഥയും സ്വര്‍ണവിലയെ മുകളിലേക്ക് നയിക്കുന്നതെന്നാണ് സാമ്പത്തിക വിദഗ്ധര്‍ പറയുന്നത്.

വെള്ളിയിലും വില വര്‍ധനയാണ് ഇന്ന്. 2.95 ശതമാനം ഉയര്‍ന്ന് ട്രോയ് ഔണ്‍സിന് 89.38 ഡോളര്‍ എന്ന നിലയിലാണ് വെള്ളി.

gold prices in kerala increased slightly again today, reaching the highest rate recorded this month. the price rose by rs 10 per gram and rs 80 per pavan.