കല്‍പറ്റ: ചൂരല്‍മല-മുണ്ടക്കൈ ഉരുള്‍പൊട്ടല്‍ ദുരന്ത ബാധിതര്‍ക്ക് കോണ്‍ഗ്രസ് നിര്‍മിച്ചു നല്‍കുന്ന വീടുകളുടെ തറകല്ലിടല്‍ കര്‍മം നാളെ. ലോക്‌സഭ പ്രതിപക്ഷ നേതാവ് രാഹുല്‍ ഗാന്ധി എം. പിയാണ് തറക്കല്ലിടല്‍ കര്‍മം നിര്‍വഹിക്കുന്നത്.  പ്രിയങ്ക ഗാന്ധി എം. പിയും ചടങ്ങില്‍ സന്നിഹിതയാകും. 

സര്‍ക്കാര്‍ ലിറ്റില്‍ നിന്ന് പുറത്ത് പോയ ആളുകള്‍ക്കാണ് കോണ്‍ഗ്രസ് വീടുകള്‍ നിര്‍മിച്ച് നല്‍കുന്നത്.8 സെന്റില്‍ 1100 സ്‌ക്വയര്‍ ഫീറ്റ് വരുന്ന വീടുകള്‍ ആണ് നിര്‍മിക്കുക. ഇതിനായി നിലവില്‍ ആറു ഏക്കര്‍ സ്ഥലം വില കൊടുത്ത് വാങ്ങിയിട്ടുണ്ട്. ബാക്കി സ്ഥലവും കണ്ടെത്തിയിട്ടുണ്ട്. അതും ഉടന്‍ രജിസ്റ്റര്‍ ചെയ്യും

തറക്കല്ലിടല്‍ ചടങ്ങില്‍ ദുരന്തത്തില്‍ കെട്ടിടവും വ്യാപാര സ്ഥാപനങ്ങളും നഷ്ടപ്പെട്ട 40 ആളുകള്‍ക്ക് സഹായധനം കൈമാറും. പ്രിയങ്ക ഗാന്ധി എം പിയുടെ നേതൃത്വത്തിലാണ് വ്യാപാരികള്‍ക്ക് പണം കണ്ടെത്തി നല്‍കുന്നത്. ഒരാള്‍ക്ക് 5 ലക്ഷം രൂപ വെച്ചാണ് നല്‍കുന്നത്

നാളെ രാവിലെ കണ്ണൂര്‍ വിമാനത്താവളത്തിലെത്തുന്ന രാഹുല്‍ ഗാന്ധി പേരാവൂരില്‍ നടക്കുന്ന കര്‍ഷക സംഗമത്തിന് ശേഷമാവും കല്‍പറ്റയില്‍ എത്തുക. ഉച്ചക്ക് 2.30 മണിക്കാണ് തറക്കല്ലിടല്‍ ചടങ്ങ്.

ചൂരല്‍മല മുണ്ടക്കൈ ദുരന്ത ബാധിതര്‍ക്ക് മുസ് ലിം ലീഗ് നിര്‍മിച്ചു നല്‍കുന്ന വീടുകളുടെ താക്കോല്‍ ദാന ചടങ്ങിലും പ്രിയങ്ക ഗാന്ധി പങ്കെടുക്കും.

rahul gandhi will lay the foundation stone for the congress township project in chooralmala–mundakkai following the landslide tragedy. priyanka gandhi will also participate in the ceremony.